Creative 100: WARC ги објави најнаградуваните креативни кампањи и компании во светот

Светскиот истражувачки центар за адвертајзинг (WARC) ја објави листата Creative 100 – еден од најзначајните независни ранкинзи во светот на маркетингот кој ја слави креативната извонредност, претставувајќи ги најнаградуваните креативни кампањи и компании во светот.

Ранкингот Creative 100 е составен со комбинирање на резултатите од најважните глобални и регионални креативни награди во индустријата, следени во текот на 2021 година. Наградите и фестивалите што се следат се одредуваат со истражување на светската индустрија и во консултација со Советодавниот одбор за рангирање на WARC.

р е к л а м а

Во продолжение следува преглед на Топ 10 листите за најнаградувани кампањи, агенции, агенциски мрежи, холдинг компании, брендови, огласувачи и држави:

1. Топ 10 најнаградувани креативни кампањи во светот

Најнаградуваната креативна кампања за 2021 година е “#wombstories” на брендот за производи за женска хигиена Bodyform/Libresse/Libra, која ја искористи моќта на раскажувањето приказни за да ја претстави комплексноста и реалноста на женскоста. И покрај тоа што го крши срцето, кампањата на AMV BBDO London е дизајнирана да се справи со табуата и да ги направи жените горди на своето тело.

2. Топ 10 најнаградувани креативни агенции во светот

Искачувајќи се од третото место претходната година, водечката агенција Publicis Milan имаше четири кампањи во листата на топ 100 најнаградувани креативни кампањи за 2021 година – 2 за Diesel и по една за Heineken и Barilla.

3. Топ 10 најнаградувани креативни агенциски мрежи во светот

Втора година по ред, Ogilvy ја задржа челната позиција меѓу најнаградуваните агенциски мрежи во светот, главно благодарение на две од своите агенции – DAVID Miami и DAVID Madrid, кои се најдоа меѓу топ 5 најдобро рангирани креативни агенции во светот.

4. Топ 10 најнаградувани холдинг компании за креативност

Omnicom Group оваа година успеа да се искачи на врвот на листата на Топ 10 најнаградувани холдинг компании, заменувајќи ги позициите со минатогодишниот лидер WPP, додека пак Interpublic Group останува на третото место.

5. Топ 10 најнаградувани брендови за креативност

Синџирот на ресторани за брза храна Burger King ја предводи листата на најкреативни брендови веќе четврта година со ред, благодарение на шест кампањи кои се најдоа на листата Creative 100. Кампањите биле реализирани во Мексико, Шпанија, Обединетото Кралство и САД.

6. Топ 10 најнаградувани огласувачи за креативност

Првото место на овогодишната листа на најнаградувани огласувачи за креативност во светот му припадна на белгиската мултинационална корпорација за пиво AB InBev, која што во изминатите неколку години трпеливо и континуирано се подобруваше и искачуваше на оваа листа.

7. Топ 10 најнаградувани држави за креативност

Соединетите Американски Држави убедливо успеаја да го задржат првото место за најнаградувана држава за креативност во светот. На второто место останува Обединетото Кралство, додека пак на трето место се искачи Франција.

р е к л а м а