Подолго време кружеа шпекулации за можен редизајн на десктоп верзијата на Twitter. Сега, од компаниајта конечно објавија како тој редизајн ќе изгледа, со неколку големи разлики со цел десктоп верзијата да ја комплементира мобилната апликација.
Сега постои поголем избор на бои за дизајнот, додадени се опции за розова, виолетова, портокалова и зелена шема. Исто така се додадени и две темни опции за „dark mode“.
Покрај естетските промени, направени се и неколку функционални. Јазичето „Explore“ е сега достапно и на десктоп верзијата. Сега е полесно да се отворат профилот, „Bookmarks“ и „Lists“ од страничното мени. Директните пораки имаат поголема прегледност и корисниците може да гледаат неколку различни разговори истовремено. Страничното мени го олеснува и „префрлувањето“ помеѓу различни профили.
Woah, what’s this? A shiny new https://t.co/q4wnE46fGs for desktop? Yup. IT’S HERE. pic.twitter.com/8y4TMzqBGa
— Twitter (@Twitter) July 15, 2019
Од компанијата истакнуваат дека редизајнот бил изграден „од нула“, а целта е да се понуди поефикасна платформа која им дава еднакви можности на корисниците на мобилната и десктоп верзијата на Twitter.
Новиот редизајн ќе го заменува стариот постепено, а за оние кои сакаат веднаш да се „префлат“ на новиот дизајн постои опцијата „Try the new Twitter“ кај нивниот аватар. Меѓутоа, штом промената е направена, нема враќање назад.
