(РЕГИОН) – Во завршниот дел од Лидерската конференција “Marketing by numbers”, одржана пред неколку дена во Загреб, Анте Шалиновиќ од Ipsos Puls, претстави одлична опсежна анализа на медиумскиот пазар во Хрватска.
– Падот на нето огласувањето во медиумите е далеку поголем од падот на економската активност. Во 2013, на огласи во медиумите е потрошено 170 милиони евра, додека за споредба, пред пет години (во 2008), беа потрошени 277 милиони евра – истакна Шалиновиќ.
Телевизијата и понатаму е доминантен медиуми на кој припаѓаат 52% од сите огласи. Следуваат печатените медиуми со удел од 26%, а остатокот од маркетиншкиот буџет е наменет за радиото и интернет порталите. Иако просечното време поминато на интернет е пораснато, гледаноста на телевизијата во минути не е драстично падната. Дури 30% од времето поминато пред телевизор им припаѓа на малите ТВ станици.
Во последните 7 години, десетте најгледани спортски настани на телевизија се спортски – фудбал и ракомет. Во оваа година првите две места истотака ги држат спортските преноси, потоа следи Дневникот на Nova TV и серијата Lud, zbunjen, normalan. Што се однесува до интернетот, дури 72% од граѓаните активно го користат, или кажано со маркетиншки зборови, “конзумираат”. Дури 52% од населението конзумира радио, 40% разни магазини, а 37% дневниот печат.
На топ листата на дневни весници доминираат 24 Sata, следуваат Vecernji и Jutarnji list и Slobodna Dalmacija. Најпродавани магазини се Gloria и Hrana I Vino. На веб-просторот напосетени се Njuškalo, 24 sata, Index, Jutarnji и Večernji.
Марио Вицковиќ од Ipsos Puls ги демонстрираше евалуациските ефекти на мултиканалните кампањи за нови банкарски производи. Од презентацијата беше видливо дека кампањата е многу добро приметена и дека дури 73% од испитаниците успеале да ја поврзат кампањата со банката на која се однесувала. Споменатата кампања најдобро била приметена во студентските домови, на банкоматите, Фејсбук и од други лица кои претходно слушнале за неа.
После презентациајта од Ipsos Puls, се одржа кружна маса на тема поврзување на сопствените, платените и заслужените медиумски канали во моментите кога маркетиншките буџети брутално се кратат. На тркалезната маса учествуваа Анамарија Хорачек од UNEX, Младен Милеусниќ од Proximity, Анте Шалиновиќ од Ipsos Puls и Дамир Вукиќ од Generali осигурување.
Шалиновиќ мисли дека во моментите на кратење на буџетот треба да се сврти кон ефикасноста, било тоа подобрување на продажбата или подобрување на комуникацијата со потрошувачот. Треба да се знае кој комуникациски канал е најефикасен и да е вкупен учинок од сите три канали. – Непоимливо ми е да се потрошат 300 000 евра на кампања, а да не се потроши ни евро за проценка на ефикасноста на таа кампања – истакна Шалиновиќ.
Милеусниќ истакна како технологијата овозможува полесна размена на информации и што поедноставна натамошна дистрибуција ако веруваме во сопствениот производ. Хорачек заклучи дека маркетингот понекогаш има нереални очекувања од клиентот. Дигиталните медиуми имаат најголем потенцијал за раст и најголем капацитет за пренос на пораки. – Сега тежнееме кон новости и во продажбата и во маркетингот, кои секогаш ги пронаоѓаат најдобрите канали, било тоа да се сопствени, платени или заслужени – рече таа. Вукиќ на крајот кажа дека интегрираната комуникација почива на отвореноста кон клиентите и јавноста, но и на основната работна филозофија на компанијата.
На самиот крај од конференцијата Николас Кфури од Cotrugli Business School одржа интересно предавање во кое кажа како компаниите би требале да ги одведат своите брендови на психолог, а купувачите во продавниците.
– Психо брендирањето е комбинација од психологија и маркетинг. Психологијата може многу да ни помогне при донесувањето на работни одлуки. Психологијата ги проучува навиките, перцепцијата, вниманието, емоциите и мотивацијата на луѓето, вашите идни купувачи – вели Кфури.
На прашањето зошто воопшто купуваме, Кфури вели дека тоа го правиме за да бидеме посреќни од другите луѓе, бидејќи природно веруваме дека другите се посреќни. Маркетингот, ако не игра, би требало да игра на таа карта. Истражувањата покажуваат деа луѓето во Соединетите Американски Држави трошат повеќе отколку што заработуваат само затоа што мислат дека така ќе станата посреќни од својот сосед. Дали некој поединец ќе троши или не, зависи од работите кои веќе ги поседува, опшествените односи во кои е активен, анењето и сигурноста.
– При донесувањето на одлуки за купување знаеме дека ништо важно нема да се смени, но емоционалната страна на мозокот преовладува врз рационалната и ние се возбудуваме. Најдобар пример е цената на производот кој кошта 39,99 евра. Тој вистински чини 40 евра, а не “триесет и нешто” како што ние сакаме да го гледаме – заклучи тој.
Autor: Nikola Sučec
Izvor: Lider Press
