Компанијата за истражувања на пазарот, организација на настани и развој на медиуми, Dataxis, со задоволство го соопшти лансирањето на NXT Media Days Europe, револуционерна серија конференции и настани за вмрежување што се одржуваат на 12-ти ноември 2024 година во Варшава (Regent Warsaw Hotel, Полска). По тој повод, имавме ексклузивна можност да поразговараме со организаторите на NXT Media Days Europe, кои ни објаснија нешто повеќе за целите на настанот, можностите кои ги нуди, темите кои ќе бидат обработени и плановите за иден развој.
Маркетинг365: Што е NXT Media Days Europe? Што го инспирираше неговото создавање и што го прави различен од другите слични настани во индустријата?
NXT Media Europe обединува три главни настани под еден чадор: водечкиот Nextv Series Europe, CTV Ad Days Europe и најновиот додаток, Retail Media Days CEE. За контекст, Nextv Series Europe собира експерти од Pay TV оператори, FTA радиодифузери, телекомуникациски компании и стриминг платформи, додека CTV Ad Days се фокусира на употребата на TV и OTT платформите како огласувачки канали, здружувајќи ги брендовите, медиумските агенции и операторите. Во меѓувреме, конференцијата Retail Media Days го истражува брзо растечкиот свет на огласување во рамките на онлајн околината за малопродажба. Клучна посебност на NXT Media Europe е тоа што ги обединува сите овие екосистеми на едно место за цел ден на конференции и вмрежување.
Маркетинг365: Како што знаеме, оваа серија настани ја организира Dataxis. Можете ли да ни дадете осврт на компанијата и нејзината мисија во медиумската и огласувачката индустрија? Како Dataxis останува пред трендовите во индустријата и како тоа влијае врз содржините и темите на настани како NXT Media Days Europe?
Dataxis е глобална медиумска и истражувачка компанија специјализирана за медиуми, телекомуникации и дигитални индустрии, која се фокусира на обезбедување увиди, податоци и анализи за пазарните трендови и технолошкиот напредок. Со седиште во Европа, но со глобален досег, Dataxis ги поддржува професионалците во секорот на медиумите, телекомуникациите и огласувањето, нудејќи актуелни истражувачки извештаи, податочни услуги и организирани настани кои поттикнуваат дискусии ширум индустријата. Мисијата на компанијата е насочена кон создавање сеопфатно разбирање за промените во индустријата, овозможувајќи им на лидерите да донесуваат одлуки засновани на податоци. Со анализа на промените во однесувањето на публиката, технолошкиот напредок и трендовите на пазарот, Dataxis им помага на играчите во индустријата да ги предвидуваат промените и да ги искористуваат новите можности.
Во Dataxis, ги следиме клучните случувања во индустријата, технолошките иновации и начините на кои се однесуваат потрошувачите, особено во смисла на OTT (over-the-top content), видео стриминг, напредокот во емитувањето на програми и технологијата за огласување. Овој проактивен пристап гарантира дека Dataxis останува доверлив авторитет за претстојните промени во овие полиња.
Настаните како NXT Media Days Europe директно произлегуваат од експертизата и истражувањата на Dataxis. Со курирање на теми кои ги рефлектираат најитните предизвици во индустријата, како што се напредокот во технологиите за стриминг, промените во гледачките навики на потрошувачите и новите модели на рекламирање, Dataxis гарантира дека овие настани ќе им обезбедат на учесниците функционални увиди. Овој формат на настан поттикнува вредни дискусии околу иновациите и најдобрите практики, водени од разбирањето на пазарот што го нуди Dataxis, засновано на податоци.
Маркетинг365: Кои ќе бидат клучните теми за кои ќе се дискутира на овогодинешниот NXT Media Days Europe? Како ја замислувате улогата на технологијата во развојот во медиумите и огласувањето, и како тоа ќе биде истакнато за време на конференцијата?
Овогодинешниот NXT Media Days Europe ќе опфати клучни теми кои ги одразуваат брзите технолошки и стратешки промени во медиумската индустрија, огласувањето и индустријата на малопродажни медиуми („retail media“).
На Nextv Series Europe, дискусиите ќе се фокусираат на најновиот развој во технологијата за стриминг, дистрибуцијата на содржина и начините на кои платформите се прилагодуваат на променливите преференци на потрошувачите. Ќе истражиме и нови начини за монетизација на содржината, вклучувајќи модели засновани на претплата, формати поддржани од реклами и како платформите можат да го балансираат генерирањето приходи со задоволството на корисниците.
Настанот CTV Ad Days Europe ќе го осветли еволуирачкиот пејзаж на огласувањето во сферата на поврзаната телевизија (CTV) и неговото растечко влијание врз медиумите и огласувачката индустрија во целина. Клучните теми за оваа конференција веројатно ќе вклучуваат програматско огласување, технолошки иновации за огласување, аналитика на податоци од публиката и многу повеќе.
На Retail Media Days CEE ќе се фокусираме на брзорастечкиот сектор на малопродажните медиуми и неговата улога во обликувањето на иднината на дигиталното огласување во Европа. Клучните теми и дискусии кои најверојатно ќе ја обликуваат оваа конференција ќе се оврнат на повеќеканалното малопродажно огласување, улогата на малопродажните медиуми во растот на е-трговијата, персонализацијата водена од податоци и соработката со брендовите.
Значи, ќе можеме да видиме дека технологијата се очекува да игра сè поголема трансформативна улога, дејствувајќи како катализатор за промени во сите аспекти на медиумите и огласувањето. Алатките управувани од вештачката интелигенција ќе продолжат да го преобликуваат создавањето содржина, персонализацијата и мерењето на публиката. Конференцијата ќе ја нагласи тековната дигитална трансформација, истакнувајќи ги новите технологии кои им помагаат на компаниите подобро да се поврзат со публиката, да ја подобрат оперативната ефикасност и да иновираат во монетизацијата на содржини.
На NXT Media Days, секоја сесија најверојатно ќе ја претстави активната примена на овие технологии во реалниот свет, обезбедувајќи им на присутните напреден поглед кон тоа каде се движи индустријата и практични стратегии за да останат конкурентни на пазарот.
Маркетинг365: Какви можности за вмрежување ќе бидат достапни за присутните за да се поврзат со индустриски лидери и своите колеги? Можете ли да ги откриете имињата на некои од компаниите од висок профил што ќе учествуваат на NXT Media Days Europe?
На конференцијата NXT Media Days Europe во Варшава, присутните можат да очекуваат низа структурирани можности за вмрежување дизајнирани да го олеснат поврзувањето со лидерите во индустријата, колегите и потенцијалните деловни партнери. Клучните формати за вмрежување кои веројатно ќе бидат понудени вклучуваат панел дискусии и сесии за прашања и одговори, нетворкинг паузи за кафе и ручек, ВИП ручеци и можности за индивидуални состаноци еден на еден.
Горди сме што на настанот ќе присуствуваат директори на највисоко ниво од компании како: Paramount, Deutsche Telekom, Publicis, Zalando, Douglas, Wolt, TVP, Warner Bros. Discovery, Goldbach, Unilever, Havas, PLAY, Schwarz Media, Allegro, TikTok, Rakuten, Orange Polska, A1 Telekom, CME Media, T-Mobile, GroupM и многу повеќе.
Маркетинг365: Што очекувате дека присутните ќе добијат од нивното присуство на NXT Media Days Europe?
Целта е присутните да заминат со силно разбирање за најновите достигнувања во сферата на телевизијата, медиумите, огласувањето, малопродажните медиуми, заедно со реални увиди за трендовите во индустријата кои ја обликуваат иднината. Но, исто така, надвор од стекнатото знаење, присутните треба да заминат со вредни професионални врски, да се поврзат со колеги, индустриски лидери и потенцијални партнери. Овие врски можат да ги отворат вратите за соработка и партнерства во рамките на медиумскиот екосистем.
Со комбинација на едукацијата и вмрежувањето, NXT Media Days Europe има за цел да ги поттикне присутните да се вратат во нивните матични организации со сеопфатен пакет алатки за навигација во следната ера на телевизијата, OTT, медиумите, огласувањето и малопродажните медиуми.
Маркетинг365: Кои се вашите долгорочни цели за NXT Media Days Europe, и како замислувате овој настан да се развива во следните години?
Долгорочната визија за NXT Media Days Europe е да се воспостави како врвен форум за мисловно лидерство, иновации и соработка во рамките на европските медиумски, огласувачки и малопродажни сектори. Целта е NXT Media Days Europe да биде препознаен како клучен настан за осознавање на најновите трендови и технолошки достигнувања. Ова вклучува не само справување со тековните предизвици, туку и посветување внимание на новите медиумски формати, новата технологија за огласување и промените во однесувањето на публиката пред тие да станат мејнстрим. Како што расте настанот, може да има посилен акцент на интерактивните работилници, каде што учесниците се вклучуваат во практични сесии. Овие работилници ќе дадат практична димензија заснована на вештини кон севкупното искуството на конференцијата.
Во следните години, NXT Media Days Europe е подготвена да биде динамична платформа која не само што се прилагодува на промените во индустријата, туку активно ги движи, обликувајќи ја иднината на медиумите и огласувањето во Европа и пошироко.
Повеќе информации за настанот, неговата програма и начинот на учество можете да најдете на следниот ЛИНК.
