Водечкиот македонски портал за образование и наука, Факултети.мк , денеска слави 5 години од своето постоење.
“Со напорна работа успеавме да станеме бренд кој го препознаваат сите и студентски информатор чија цел има да ги опфати сите важни информации за нашите читатели. Во иднина ќе се потрудиме да реализираме уште повеќе интервјуа, проекти, информации и соработки за подобрување на нашиот квалитет и реализирање на нашата мисија: да им помогнеме на идните студенти во нивниот избор на студии и да ги насочиме сегашните кон нови знаења и хоризонти!“ – велат од Факултети.мк по повод роденденот!
Три години по ред 2012, 2013 и 2014 год. порталот е добитник на признанието “Најпопуларен веб сајт во Македонија“ а минатата година го доби и признанието за најдобар сајт на годината во категоријата: Образование, наука и култура.
Факултети.мк е иницијатор на повеќе општествено корисни акции со кои ја стимулира хуманоста и развојот на научната и творечка мисла со што активно работи на својата мисија да биде движечка сила во промоцијата на образованието и трајните вредности кај младите луѓе.
