Факултети.мк водечкиот македонски портал за образование и наука, денеска слави 3 години од своето постоење.
“Поминаа 3 години посветени на факултети.мк. Денеска можеме да бидеме горди што успеавме да создадеме силен медиум посветен на образованието, медиум преку кој студентите може слободно да се изразат и вистински партнер на високообразовните институции. Тимот на Факултети.мк не се само осумтемина соработници кои се грижат за секојдневното функционирање на порталот туку и сите студенти, поединци, компании и високообразовни институции кои придонесуваат заедницата да добие вистинска платформа за поврзување на студентската и научната јавност. Им благодариме на сите кои не поддржа во изминатиот период и им најавуваме уште многу новитети и сервиси кои ќе бидат од корист на сите“ – изјави Стојче (Коко) Ѓорѓиев, еден од основачите на порталот Факултети.мк
Првата новина која денеска беше промовирана од тимот на Факултети.мк е новата албанска верзија – Fakultetet.com со која ќе се анимира студентската заедница во Албанија и Косово.
Факултети.мк (fakulteti.mk) е водечки македонски портал за образование и наука.
Две години по ред (2012 и 2013 год.) е добитник на признанието “Најпопуларен веб сајт во Македонија“. Месечно порталот е посетен од повеќе од 300.000 посетители кои прелистуваат над 3 милиони страници на порталот.
Факултети.мк е иницијатор на повеќе општествено корисни акции со кои ја стимулира хуманоста (пр. “Солидарен Оброк“) и развојот на научната и творечка мисла со што активно работи на својата мисија да биде движечка сила во промоцијата на образованието и трајните вредности кај младите луѓе.
