Фејсбук објави дека ќе ја укине забраната за објавување и споделување вести во Австралија, пренесува „Би-би-си“.
Најголемата светска социјална мрежа минатиот четврток им забрани на Австралијците и на австралиските медиуми да објавуваат и споделуваат вести. Причината беше предлог-закон со кој Австралија сакаше да ги принуди Гугл и Фејсбук да им плаќаат на издавачите за медиумска содржина.
р е к л а м а
Австралискиот министер за финансии, Џош Фрајденберг, изјави дека првиот човек на Фејсбук, Марк Закерберг, му потврдил дека забраната ќе биде укината во следните неколку дена.
Фрајденберг потврди дека предложениот закон ќе биде изменет.
р е к л а м а
