Фејсбук се повеќе се отвора за мерења на трети страни во обид да го спречи ширењето на негативни чувства меѓу маркетерите после информациите за лошата метрика.
Постои загриженост дека социјалната мрежа веќе не може веќе да продолжи да го избегнува мерењето од страна на трети страни и ефикасно да ја ‘заврши својата домашна задача “. Facebook призна дека се соочува со грешки и грешни пресметки во своите системи, а се однесуваат на параметрите кои доаѓаат од лошото мерење на написите, видео содржините, анализите за апликации и увидот во податоците на бизнис страниците.
Откако Facebook во својата изјава минатата недела најави постоење на грешки, социјалната мрежа реагираше брзо со цел да ги убеди рекламните агенции дека во случајот ќе работи на реконструкција на своите алатки за мерење со цел да ги поправи недостатоците а со тоа да им понуди и мерење од трети страни на самите адвертајзери. Дел од оваа промена, вклучува формирање на Совет за мерење, додека пак верификацијата да може да се обезбедува од трети странки како Моат и comScore, од кои и двете имаат работено со социјалната мрежа во минатото.
Во кој дел се детектирани грешките?
Во делот Page Dashboards се прикажуваат сумарни податоци за 7 дена или 28 дена чиј органски дофат пресметан бил како како прост збир од дневниот опсег наместо да се пресметаат повторните посетители кои се повторуваат за тој период. И покрај тоа, Facebook тврди дека поголемиот дел од податоците во контролната табла на страница во делот за увид се непроменети, вклучувајќи ги сите графикони, дневни и историски достигнувања, дофат на-пост, извезени и податоци за офат на API.
Проблемот прредизвикува овие повторувачки податоци сега да се намалат за податоците за 7 дена од 33% и за податоците од 28 дена за 55% пониски податоци.
Оваа грешка постои од мај, но не влијае врз платениот Reach, влијае само врз органскиот.
Социјалната мрежа, исто така, призна дека постојат и грешки во метриката за 100% одгледано видео (колку пати фановите комплетно го изгледале самото видео до крај) грешката е во тоа што звукот може да трае малку подолго од видеото. Ова би значело дека бројот на фанови кои го погледнале видеото 100% кога ќе се занемари оваа грешка би се зголемил за 35%. Грешки во калкулацијата на прегледи има и во делот на преглед на делот на Facebook наречен Instant Articles каде просечното времетраење на задржувањето на еден посетител на пост погрешно се пресметувало што довело до зголемување за 7% до 8% во просек од август минатата година. Ова се должи на грешката во пресметување која досега се правела врз база на просекот од хистограмот за времето поминато во читање, наместо калкулирање на вкупното време поминато на читање на статија поделена со вкупниот број на пати кога е видена.
И на крај, Facebook призна дека грешки се појавиле и во делот Refferals во делот за аналитика на апликации за грешка од 6% кај своите најчестите корисници. Тоа значи дека се броеле кликовите кои веќе еднаш упатувале до апликација или веб сајт но и кликови на објави преку апликации и вебсајтови вклучувајќи и кликови за гледање на фотографии или пак видео содржини.
Mark Rabkin, потпретседател на тимот за основни реклами на Facebook изјави дека грешките во метриката немаат влијание врз наплатата на адвертајзерите. Меѓутоа овие анализи сепак се витални во планирањето и дистрибуцијата на содржината на социјалната мрежа и импактот на овие аномалии не смее да се занемари.
Group M исто така реагираше на овие објави со следната изјава: “Ние сме охрабрени што Facebook ја разјаснувава метриката и бара фидбек од своите клиенти. Мерењето од страна на трета страна веруваме дека ќе обезбеди доверба во рекламите на било кој пазар. Facebook продолжува да бара соработка со мерењето и затоа ќе продолжиме да ги советуваме околу овој проблем”.
Сеуште не е јасно колкав број на адвертајзери се погодени од оваа грешка или кои специфични брендови биле најмногу погодени. Измените во аналитиката на овие четири индикатори може да е без големо значење но фактот што мрежата станува транспарентна може да каже многу за нештата кои доаѓаат. А тоа би се овозможило со овој т.н Совет за Мерење составен од фирми за рекламирање и фирми за анализа на метрика кои се надеваме ќе овозможат нов правец на развој на истите. Шефот на WPP Martin Sorrell често бепе доста ‘гласен’ за штетните ефекти на Facebook ‘’ кој сам за себе си ја пишува својата домашна задача” според неговите изјави, и во неколку наврати ги повика за проверка на податоците од страна на трети страни. Но, веројатно, проблемот не е нешто што Facebook може сам да го реши.
Овој скандал е уште еден доказ за проблемот со кој модерниот пазар се соочува денес – адвертајзерите едноставно не можат да ја испитаат вредноста на она што им се предава (резултатите)- но затоа може да се преземат чекори за да се осигура дека може нешто да направат околу тоа во иднина. Сопственикот на Nestle (за брендот Nescafe) во неодамнешен натпис во ‘’The Drum’’ изјави дека и покај проблемите со аналитиката брендот планира да инвестира повеќе во платформата но постојат одредени дискусии околу транспарентноста која Nestle ја бара.
И покрај својата доминација во медиумската индустрија, Facebook се уште активно работи на проблемите со кои секојдневно се соочува како на пример податокот дека 2 милиони од неговите корисници се мртви а сеуште постојат на мрежата. Веруваме дека со зголемената транспарентност и анализа на податоците од страна на трети партии дел од овие проблеми ќе бидат надминати.
