Меѓународниот адвертајзинг фестивал White Square, еден од најголемите креативни наградни фестивали во Источна Европа кој секоја година се одржува во Минск, Белорусија, е презакажан за 24 и 26 јуни. За овогодишното издание на фестивалот до сега се пријавени 511 кампањи од учесници од 20 држави ширум светот. Повикот за пријавување е сѐ уште отворен онлајн на официјалната веб-страница adfest.by и ќе трае до 31 мај.
И покрај феактот што светот се наоѓа во нестандардна ситуација соочувајќи се со невообичани услови на нова онлајн реалност, постои можност да се преиспита постојното искуство, да се пронајдат нови решенија, да се потготват пријавите и да се добие моќно поттикнување на инспирацијата преку пријавување на вашите најдобри дела за адвертајзинг фестивалот. Пријавите за White Square 2020 можат да се поднесат во седум натпреварувачки категории со соодветни под-категории:
CREATIVE: Film, Print, Radio & Audio, Outdoor, Integrated, Branded Content and Entertainment;
BRANDING: Communication Design, Packaging Design, Digital & Interactive Design;
MARKETING: Brand Experience & Activation, PR, Direct, Innovations;
CREATIVE EFFECTIVENESS;
MEDIA: Channels, Excellence in Media, Media Campaign;
DIGITAL: Digital, Mobile, Creative Data;
CHANGE FOR GOOD.
Кампањите посветени на борбата против епидемијата и последиците од корона вирусот се прифаќаат во категоријата Change for Good без паричен надомест.
Пријавените кампањи во секоја категорија ќе бидат евалуирани од независно меѓународно жири, составено од личности со глобална препознатливост во адвертајзингот и со бројни престижни награди во областа на креативните комуникации.
Фестивалот White Square е дел од фестивалското рангирање за Источна Европа и Централна Азија, како и во глобалното креативно рангирање на Adforum Business Creative Report.
Секоја година, White Square посветува посебно внимание на промоцијата на наградените кампањи во индустриските медиуми од Европа и Централна Азија, вклучувајќи преку 30 публикации во Франција, Белгија, Германија, Шпанија, Португалија, Италија, Холандија, Естонија, Литванија, Латвија, Аргентина, Србија, Хрватска, Романија, Русија, Украина, Белорусија, Казахстан, Грузија, Ерманија, земјите од Блискиот Исток и Северна Африка итн.
После успешното завршување на фазата на модерирање, пријавените кампањи ќе можат да се погледнат на официјалниот фестивалски веб-сајт.
Организаторите очекуваат да го одржат фестивалот во својот целосен формат, со сите настани кои се дел од едукациската и бизнис програма. Повеќе информации за фестивалот White Square на adfest.by.
