Иновациите на двајца уникатни предавачи и визионери ќе ги инспирираат вашите деловни потези. На фестивалот Денови на комуникации од 2 до 5 април доаѓаат евангелистот Џејмс Витакер и футуристот Ари Попер, кои се ангажирани дури од ФБИ и НАТО
Во рамките на осмото издание, организаторите на Фестивалот Денови на комуникација, кој оваа година е во ново црно-бело издание, претставуваат две нови големи имиња кои нема да сакате да ги пропуштите. Евангелистот во комуникациската индустрија Џејмс Витакер и познатиот футуист Ари Попер, се новите говорници оваа година, а нивните предавања ќе ве убедат дека дури и најлудите идеи можат да се претворат во неверојатно добри деловни потези и да ве инспирираат да го искористите потенцијалот на иднината и да го промените светот.
Џејмс Витакер е евангелист во комуникациската индустрија кого го опишуваат како вистинско освежување во монотониот свет на обичните личности, а неговиот генијален ум беше дел од најголемите светски компании како Мајкрософт, Гугл, па дури и ФБИ! Овој брутално искрен говорник, напиша и книга за суперсилите на професијата, давајќи непроценлив увид за тоа како да го направите вашето патување во кариерата извонредно и да извлечете максимум од тоа. Како вистински Супермен, тој често прави сет на склекови пред настапот, а на фестивалската сцена со учесниците ќе ги сподели своите супермоќи за генијална иднина затоа што, како што вели, сегашноста му е неверојатно вознемирувачка.
Предавач на овогодинашниот фестивал Денови на комуникација ќе биде и добро познатиот футуристист Ари Попер, чија иновативна фирма SciFutures е во партнерство со компаниите од листата Fortune 500, со цел да им осигура експоненцијален раст со неговата визија за иднината – тврдејќи дека живееме во ера на експоненцијални можности. Сите негови идеи јасно порачуваат: ако ги погледнете работите од поинаков агол, можеби ќе откриете одлична иновација. Дури и НАТО ја искористи моќта на неговата имагинација, а шармантниот Попер сега ќе нè научи да обликуваме идеи насочени кон напред за да создадеме успех – затоа што иднината е чекор што допрва треба да го измислиме.
Своето доаѓање во Ровињ веќе го потврдија и други големи говорници – наградуваниот дизајнер на Еми и Jedi Master амбициозен дизајнер Крис До, највлијателниот светски маркетер Кит Вед и познатиот стратег од агенцијата Ogilvy и фасцинантен ТЕД говорник, Рори Сатерленд.
Раните регистрации за учество на Денови на комуникации се отворени до 9 февруари, а сите информации се достапни на www.danikomunikacija.com.
