Јужнокорејскиот технолошки гигант Samsung Electronics го најави настанот Unpacked за 2024 година, на кој ќе ги претстави своите најзначајни технолошки новитети.
Акцентот ќе биде ставен на најновите иновации во сферата на паметните телефони Galaxy, кои што според компанијата ќе обезбедат целосно ново мобилно искуство со вештачка интелигенција.
„Револуционерно мобилно искуство е на вашиот праг. Подгответе се за нова ера на можности со најновите иновации на Galaxy, осмислени да го променат начинот на кој живеете, се поврзувате и создавате. Новата серија Galaxy S ќе постави уште повисок стандард за најинтелигентното мобилно искуство досега“ – посочуваат од Samsung.
Настанот Unpacked ќе се оджи во американскиот град Сан Хозе на 17-ти јануари 2024 година, а истиот ќе може да се следи во живо преку Samsung.com и преку YouTube каналот на Samsung со почеток во 19 часот.
