Најдобрите и најнаградувани светски креативци и комуникациски експерти оваа година ќе бидат предавачи на осмиот фестивал за интегрирани комуникации KAKTUS by 1664 Blanc, кој ќе се одржи на 1 и 2 ноември во хотелот Mona Plaza во Белград, под слоганот „Саморефлексија“.
Како и претходните години, KAKTUS 2022 ќе им понуди на учесниците висококвалитетна и разновидна програма од различни области на интегрираните комуникации. Меѓу главните говорници оваа година се наоѓаат: Иво Заковски, глобален раководител за бренд маркетинг во Burger King; Милош Обрадовиќ, глобален извршен креативен директор во LePub Amsterdam/Publicis Italy; Никола Маравиќ, глобален маркетинг директор на Carlsberg Group, како и Јоланта Стријчак, раководител на одделот за комуникации и односи со јавноста во Xiaomi за регионот на Централна и Источна Европа и нордиските земји.
Во текот на два дена квалитетна програма, учесниците на фестивалот ќе се запознаат и со: Џејмс Крос, основач и креативен директор на Meanwhile од Обединетото Кралство; Кристијан Звара, директор за меѓународна стратегија во PHD Global Business; Владимир Милојевиќ Буги, фотограф од Србија/САД; Серџио Спакавенто, генерален креативен директор во Digitouch од Италија; Сања Димитријевиќ, директор за услуги на клиенти во We Are Social од Германија; и Сенад Куленовиќ, управен партнер во Agilcon од Хрватска.
Првиот и вториот ден ќе бидат организирани неколку креативни дискусии, а една од нив ќе биде на тема “New Literacy, New Advertisers’ Responsibility” (поддржана од USAID Srbija, Propulsion и CIPE), во рамки на која ќе говорат Дарко Соковиќ, управен партнер за стратегија и развој во Propulsion; Вања Вагиќ, менаџер за корпоративни работи за пазарите на Балтикот, Балканот, Украина и Израел во MARS; Ива Гајиќ, директор за односи со јавноста во SBB; и Крис Хајечки, директор на реклами за вести во Internews.
Покрај конференцискиот дел од фестивалот, ќе има и промоција на четвртото издание на публикацијата ADBOOK, како и годишното доделување на професионалните награди KAKTUS 2022, KAKTUS Talents (powered by SBB) и KAKTUS All Stars.
Биографиите на преадавачите и повеќе информации за фестивалот можат да се најдат на веб-сајтот: https://kaktus.rs/
Фестивалот KAKTUS 2022 е поддржан од преку 50 медиумски куќи од целиот регион, како и од компаниите Mercator-S, Jaffa Crvenka, Philip Morris International, Atlantic Štark, Galenika, Infostud, Grand kafa. Платинум спонзор на фестивалот е 1664 Blanc, златен спонзор на фестивалот е SBB, сребрени спонзори се Forma Ideale, Mars, L’Oreal и MPC Properties, додека пак овогодишни бронзени спонзори се компаниите Coca-Cola HBC, Frikom, Imlek и Xiaomi Balkan. Пријатели на фестивалот се USAID Srbija, Propulsion и CIPE. Партнери на фестивалот се агенциите: Ovation BBDO, Headline, Drive Agency, Info Media Group, Alma Quattro и DPC Networks. Фестивалот е поддржан и од Nova Communications, Real Grupa RGS и Represent System.
