Фестивалската сцена на Golden Drum ќе ја пречека Јулија Нојман, партнер и генерален креативен директор во агенцијата Le Truc, која ќе одржи предавање за креативноста во ерата на вештачката интелигенција.
Во нејзината сесија насловена “The Last Honest Differentiator: Why Craft Still Kicks AI’s Ass”, Јулија ќе аргументира дека во свет во кој вештачката интелигенција нуди брзина, обем и совршена симетрија, постои нешто што сè уште не може да го реплицира - човечката умешност.
Потпирајќи се на нејзината наградувана работа за брендови како Pop‑Tarts и JetBlue, таа истражува како човечките квалитети како одлучноста, ризикот и опсесијата создаваат емоционален ефект што алгоритмите едноставно не можат да го постигнат. За Јулија, човечката умешност не е луксуз, туку последниот искрен диференцијатор – а нејзиното одржување не прашање на носталгија, туку креативна стратегија.
Како претседателка на овогодинешното Craft Jury, таа ќе понуди и уникатен увид за тоа што ги издвојува исклучително добрите кампањи.
Ова е предавање што не смеете да го пропуштите – за сите оние кои веруваат во трајната моќ на идеите и луѓето што ги создаваат.
Повеќе информации за фестивалот Golden Drum и можностите за учество се достапни на следниот ЛИНК.
