За прв пат во речиси 100-годишната историја на Гран При де Монако, 2025 година ќе биде сведок на првиот пат кога трката ќе има насловен партнер, при што TAG Heuer со гордост ја презема оваа посебна чест. Во 75-та година од Формула 1, и кога TAG Heuer се враќа како официјален мерач на времето за спортот, дополнително се зајакнува неверојатната врска помеѓу славниот швајцарски производител на часовници, највисокото ниво на моторни трки и една од најпознатите трки во натпреварувачкиот календар.
Со заедничка приказна испреплетена низ децении, Монако и TAG Heuer се поврзани не само со светот на мотоспортот, туку и со познатата колекција часовници TAG Heuer Monaco и исклучителните личности кои ја направиле оваа трка толку позната. Монте Карло се смета за духовниот дом на TAG Heuer, а современата приказна е дефинирана со силното присуство за време на Ф1-викендот, со што природно се наметнува новото име на трката како „Formula 1 TAG Heuer Grand Prix de Monaco“.
Со оваа нова врска, приказната дополнително ќе се засили преку зголеменото присуство на TAG Heuer во сите аспекти на трката, вклучително и значајно присуство покрај патеката на улиците на Монако и на екраните ширум светот.
„Задоволство беше да се соработува со таков славен производител на часовници веќе скоро 15 години, а нашата восхит и почит кон TAG Heuer се одразува преку новиот договор за продолжување на нашата прекрасна врска. Како часовничарски бренд кој е синоним за мотоспортот и за најголемите возачи во историјата на Формула 1, сосема е природно Автомобилскиот клуб на Монако да избере да биде неизбришливо поврзан со TAG Heuer“ – вели Мајтре Мишел Боери, претседател на Автомобилскиот клуб на Монако.
„Монако е навистина наш духовен дом, отелотворувајќи голем дел од она за што се залагаме во TAG Heuer – духот на конкуренцијата, предизвикувачката улична патека кој ги наградува оние кои покажуваат најголема ментална издржливост и физичка сила, место каде што возачите се поттикнуваат себеси да го постигнат своето апсолутно најдобро, ние сме почестени и воодушевени што го обновуваме нашето партнерство со Автомобилскиот клуб на Монако и ќе ги прошириме нашите активности во Кнежевството, а TAG Heuer е првиот што ја носи оваа престижна титула“ – истакнува Антоан Пин, генерален извршен директор на TAG Heuer.
