Француската маркетинг групација Havas ја соопшти аквизицијата на британската агенција за социјални медиуми Wilderness.
Wilderness ќе биде инкорпорирана во Havas Village London, со цел подобрување на услугите за социјални медиуми кои ги нуди Havas Play, дел од Havas Media Network.
Одговорен за интеграцијата на Wilderness во Havas ќе биде Ник Рајт, генерален директор за раст во Havas Media Network UK, во соработка со претседателката на Havas Play UK, Рози Холден.
„Среќни сме да му посакаме добредојде на Wilderness во нашето Havas семејство. Wilderness е компанија со напредно размислување што совршено се усогласува со уникатното позиционирање на Havas на крстосницата помеѓу забавата и огласувањето, помагајќи им на клиентите да дојдат до своите потрошувачи на иновативни и значајни начини. Возбудени сме да видиме како вклучувањето на Wilderness ќе ги подобри комплементарните специјализации што ги нуди Havas Play и други низ мрежата на Havas на глобално ниво“ – посочи Јаник Болоре, претседател и глобален извршен директор на Havas.
Агенцијата Wilderness е основана во 2015 година од управниот директор Том Џервис. Нивното портфолио на клиенти вклучува брендови како Disney+, BBC Studios, Ticketmaster, NOW, Sky Mobile, Sykes Holidays, Heineken и Dolby.
„Имаме долгорочна визија да станеме водечка агенција за социјални медиуми за клиенти кои сакаат да го трансформираат начинот на кој пристапуваат кон социјалните мрежи во нивната организација. Размерот и можностите што ги добиваме со приклучувањето на Havas ќе ни овозможат да ја реализираме таа мисија. Едвај чекам да започнеме!“ – истакнува Том Џервис од Wilderness.
