На „Денови на комуникациите“ во Ровињ беа доделени и наградите IdejaX за најкреативните комуникациски достигнувања на хрватскиот пазар, меѓу повеќе од 200 пријавени проекти за оваа година!
Победниците на IdejaX, хрватскиот натпревар за креативност на кој агенциите успешно се натпреваруваат со своите креативни идеи веќе 15 години, беа објавени на 16 мај на сцената на фестивалот „Денови на комуникациите“ во Ровињ.
Меѓу повеќе од 200 пријавени проекти, титулата „Агенција на годината“ ја освои агенцијата Imago Ogilvy, добитник на главната Grand Prix награда беше агенцијата Bruketa&Žinić&Grey, додека пак Podravka беше прогласена за „Огласувач на годината“.
Меѓу најдобрите агенции на IdejaX, покрај Imago Ogilvy, беа и Bruketa&Žinić&Grey, Studio Sonda, BBDO Zagreb и Superstudio.
На IdejaX веќе со години успешно се натпреваруваат и големи и мали агенции со своите креативни идеи и маркетиншки проекти, за кои можат да освојат златни, сребрени и бронзени награди во четири групи категории.
Целосната листа на добитници е достапна на следниот ЛИНК.
