(РЕГИОН) – Нешто повеќе од половината учесници на фестивалот KAKTUS 2016 (54,5%) сметаат дека квалитетот на интегрираните кампањи во Србија е на релативно добро ниво. Сепак, секој трет испитаник (31,8%) смета дека квалитетот на интегрираните кампањи е релативно лош, покажа најновото истражување на Marketing mreža, која во соработка со агенцијата MASMI Beograd, го спроведе на неодамна одржаниот фестивал KAKTUS 2016.
Според мислењето на испитаниците, убедливо најдоминантен канал на комуникација и понатаму е ТВ (80%), потоа следат социјалните мрежи (11%), останатите дигитални канали (4%), outdoor (1%) и BTL (1%). Дури 77% од испитаниците сметаат дека интегрираните комуникации се исклучително важни за позиционирањето на некој бренд.
На прашањето – наведете интегрирана кампања којашто ви оставила најголем впечаток во последните шест месеци, учесниците на фестивалот KAKTUS 2016 ги навеле кампањите на компаниите Vip Mobile “Dobro došli” (15%), Strauss Adriatic “Dobro jutro Džezveri” (12%) и m:ts pripejd (9%).
Кога е во прашање компанијата Coca-Cola, 6% од испитаниците не навеле конкретна кампања, туку само го навеле називот на брендот. Кампањата “Da je butik banka” на Теленор банка, “Šta vas boli” на компанијата Pharma Swiss и реклмата за Lav kokice се поеднакво популарни (3%). Од друга страна, речиси една петтина од испитаниците наведува дека ниту една кампања не им оставила впечаток во последните шест месеци.
Учесниците на фестивалот KAKTUS 2016 во најголема мера рекле дека нивната компанија/агенција во прилична мера (32%), односно многу (45%) се спремни да реализираат квалитетна интегрирана кампања. Значајно помалку од нив сметаат дека нивната компанија релативно малку (17%), односно дека не е спремна (4%) да реализира интегрирана кампања.
Повеќе од половината испитаници сметаат дека се поуспешни интегрираните кампањи на кои работи една full servise агенција. Нешто помалку, но и понатаму голем процент сметаат дека се поуспешни интегрираните кампањи на кои работат повеќе специјализирани агенции (41%), додека најмалку успешни се сметаат in-house кампањите (3%).
Дури 45% од испитаниците сметаат дека интегрираните кампањи не се резервирани само за компаниите со големи буџети, додека нешто помалку не се сигурни (39%). Третина од испитаниците сметаат дека нивната компанија е спремна да издвои од 11 до 30% од буџетот, и исто толку од нив сметаат дека нивната компанија е спремна да издвои помалку од 10% од буџетот за иновативни, интегрирани решенија во 2017 година. Значајно е помал бројот од нив кои сметаат дека нивната компанија е спремна да издвои од 31 до 50% од буџетот (9%) или повеќе од 50% од буџетот (4%).
Речиси сите испитаници попрво би се определиле за интегрирана кампања која е иновативна, поинаква и на работ на креативниот ризик (89%), отколку кампања која е класична, но донесува сигурен профит (11%).
