Огласувачката групација Interpublic Group го соопшти назначувањето на Јанив Сариг како глобален раководител за трговија со вештачка интелигенција („Global Head of AI Commerce“), зајакнувајќи ја посветеноста на компанијата кон унапредувањето на систематските трговски решенија за светските брендови. Сариг, искусен претприемач и пионер во областа на трговијата со вештачка интелигенција, е назначен откако претходно соработуваше со Interpublic во својство на консултант, а за својата работа ќе продолжи да известува до глобалниот генерален директор за трговска стратегија на компанијата, Џериад Зогби.
Во неговата проширена улога, Сариг ќе се обиде да извлече бенефит од зголемениот интерес на потрошувачите за користење на генеративна вештачка интелигенција при купувањето, со оглед на тоа што 71% од потрошувачите сакаат генеративната вештачка интелигенција да биде интегрирана во нивните шопинг искуства – според новото истражување на Capgemini.
Сариг тесно ќе соработува со агенциските и технолошките лидери низ портфолиото на Interpublic Group за да развие трговски решенија кои ќе им овозможат на клиентите да го зголемат профитабилниот удел низ сè пофрагментираниот повеќеканален пејсаж. Неговите работни задачи ќе го вклучуваат и интегрирањето на пазарните податочни сигнали, обезбедени од Intelligence Node (компанија која беше купена од страна на Interpublic во 2024 година) во агенциските платформи на групацијата и градењето стратешки партнерства со клучните играчи во трговскиот екосистем, вклучувајќи ги Salsify, Pacvue и Flywheel, за да се создаде поцврст и кохезивен пакет на трговски решенија за клиентите.
„Ние сме воодушевени што Јанив се приклучува на нашиот тим во проширен капацитет. Тој носи уникатна перспектива како пионер во примената на машинското учење и автоматизација во трговијата и како поранешен извршен директор на јавно тргувана компанија за потрошувачки добра. Овој стратешки ангажман ја нагласува посветеноста на Interpublic да го применува напредокот на вештачката интелигенција во трговските иновации, опремувајќи ги брендовите со системи и сознанија потребни за да се натпреваруваат во дигитален пејзаж кој постојано еволуира“ – посочува глобалниот генерален директор за трговска стратегија на Interpublic Group, Џериад Зогби.
