Истражувачката компанија WARC Advisory и социјалната платформа TikTok објавија нов извештај насловен: “The power of connective media: Unlocking impact through personal and cultural relevance” (Моќта на поврзувачките медиуми: Отклучување на влијанието преку лична и културна релевантност). Истражувањето разгледува како брендовите можат да постигнат позитивни деловни ефекти од фокусирањето на релевантноста, обезбедувајќи рамка за создавање содржини и реклами кои се културно и лично релевантни за потрошувачите и нивните заедници.
„Во денешно време, публиката е распространета низ безброј канали, платформи и допирни точки. Потрошувачите сега имаат моќ да се ангажираат само со содржини што се усогласуваат со нивните специфични интереси, вредности и страсти, а не само со нивниот демографски профил“, сугерира д-р Маркус Колинс во WARC Talk. За успешно да се позиционираат за релевантност, на маркетерите им треба јасна перспектива за потрошувачот и културните заедници на кои тој припаѓа, со цел да идентификуваат местата каде брендот може органски да се вкрсти и да се ангажира.
Извештајот претставува ексклузивно истражување на WARC и TikTok, спроведено меѓу корисници на социјалната и видео платформа, на возраст од 18 до 45 години, во САД, Обединетото Кралство и Австралија, заедно со увиди добиени преку интервјуа со искусни маркетери и експерти од индустријата.
Анализата нагласува дека брендовите кои се стремат кон лична и културна релевантност можат да отклучат нови можности за раст, при што 78% од анкетираните корисници на социјалната и видео платформа велат дека нивната веројатност за купување би се зголемила доколку рекламите се лично релевантни, а 56% се чувствуваат исто доколку рекламите се културно релевантни. Ползувањето на релевантноста, исто така, резултира со значително зголемено влијание на брендот, така што брендовите со висока културна релевантност растат речиси 6 пати повеќе од брендовите со ниско ниво на културна релевантност (според податоци на Kantar).
Извештајот ја илустрира важноста на релевантноста и од културна и од лична перспектива. 71% од анкетираните корисници се согласиле дека имаат поголема веројатност да обрнат внимание кога рекламите се лично релевантни, додека 58% обрнуваат повеќе внимание кога рекламите се културно релевантни. Извештајот притоа открива како треба да изгледа и да се чувствува културно и лично релевантната содржина за корисниците на ТикТок.
Културна релевантност
Приклучувањето кон теми и трендови што се во пораст е најважниот начин на кој брендовите можат да бидат културно релевантни, без разлика на генерацијата. Но, наодите на истражувањето покажуваат и дека приемот на културната релевантност е нијансиран меѓу различните генерации.
Корисниците на социјалните медиуми и видео-платформите се согласуваат дека навременоста и актуелноста се најважните начини на кои содржината може да биде културно релевантна. Сепак, испитаниците од Генеразијата Z на возраст од 18-24 години имале 38% поголема веројатност од оние на возраст од 25-45 да ја сметаат содржината културно релевантна ако го користи жаргонот или сленгот на нивните заедници.
Две третини (67%) од сите испитаници рекле дека содржината е културно релевантна ако ги известува за трендовски теми, додека 62% го мислат истото како им презентира теми или проблеми што се случуваат во моментот.
Лична релевантност
Релевантноста зависни од личната поврзност со корисникот и од споделените вредности на неговата заедница. Анализата покажала дека главната причина зошто брендот се чувствува релевантен за корисниците е ако ги разбира нивните потреби (45%). Релевантноста е дополнително поттикната од способноста на брендот да ја престави својата „личност“ т.е. карактер (40%); преку активно ангажирање со својата публика онлајн (38%); и преку негување чувство на заедништво кај неговите следбеници (34%).
Карактерот, интересите и страстите се теми кои ја поттикнуваат личната релеватност, а првите три двигатели кај анкетираните корисници биле: Хуморот (55%); содржини за теми кои го интересираат корисникот (50%) и содржини што вклучуваат некое хоби или страст (43%).
Воведување на рамка за планирање на релевантноста
Извештајот исто така претставува нова рамка за да им помогне на брендовите да планираат културна и лична релеваност преку модел кој сугерира дека брендовите треба:
- Да бидат актуелни – да останат во тек со трендовските моменти и тематски содржини со селективен начин на размислување.
- Да бидат отворени – да ги истражуваат онлајн заедниците за да ги идентификуваат нивните клучни потреби и желби.
- Да бидат човечни – да го покажуваат својот каректер и смисла за хумор за да ја продлабочат релевантноста кај публиката. Да склучуваат парнтерства со креаторите на содржини кои ќе ги направат брендираните содржини поавтентични.
- Да бидат ангажирани – да создаваат можност за взаемност. Да се посветат на она што е ново (или „ново за мене“) за да допрат до претходно неконтактирани купувачи.
„Увидите во овој извештај им овозможуваат на маркетерите да ги искористат споделените вредности и доживеаните искуства за да поттикнат врски што се трајни, резонантни и значајни и да ги задржат луѓето ангажирани подолго од само моментални интеракции. Возбудени сме што можеме да ја споделиме оваа анализа и да им помогнеме на брендовите да ја откријат целосната моќ на релевантност во денешниот медиумски пејзаж кој брзо се менува“ – посочува Софија Хернандез, глобален раководител за бизнис маркетинг во TikTok.
„Релевантноста е амбиција што вреди да се постигне – брендовите кои се подготвени да се нурнат во нијансираните аспекти на релевантноста ќе постигнат поблиска поврзаност со потрошувачите, што пак ќе доведе до опипливи деловни резултати. Ја спроведовме оваа студија за да демистифицираме што значи создавањето релевантна содржина на социјалните и видео платформите и да им обезбедиме на брендовите јасни, акциони чекори за да го постигнат тоа“ – додава Алексис Волф, раководител на одделот за советување за регионот на Северна и Јужна Америка во WARC.
Целосна копија од извештајот е достапна за преземање за ограничено време на следниот ЛИНК.
