Наградите Eurobest им оддаваат признание на проекти кои се револуционерни, храбри и репрезентативни примери на европската креативност, а оваа година на жирито во категоријата „Design, Industry Craft“ ќе му се придружи и првата хрватска претставничка – Јелена Фишкуш.
Eurobest, реномираниот натпревар кој ја слави најиновативната креативност во Европа, ја објави листата на експерти кои ќе одлучуваат за најдобрите креативни проекти во Европа за 2024 година. Жирито ќе се состане во Лондон на крајот на ноември за да разговараат за квалитетот на проектите во живо, во кои Јелена Фишкуш, креативна директорка на Studio Sonda и претседателка на Управниот одбор на Хрватската асоцијација на друштва за пазарно комуницирање (HURA) и IAB Croatia, ќе учествува како член на жирито во категоријата „Design, Industry Craft“. Оваа покана – која го означува и првото претставување на Хрватска во жирито на Eurobest – е само уште еден показател за стручноста на хрватските комуникатори и конкурентноста на хрватскиот пазар на европско ниво.
Се сеќавам на времето кога ние од Хрватска можевме само оддалеку да го набљудуваме жирито на Кан или Евробест како европска верзија на најпознатиот фестивал на креативност во светот. А, денес добиваме сè поважни повици, ги има сè повеќе. И сè повеќе се добиваат награди од овие и други угледни фестивали кои се навистина релевантни за нашата професија. Тоа значи дека Хрватска се зајакнува на полето на пазарните комуникации со својата организација во рамките на HURA, но и со иновативни проекти кои можат да конкурираат на глобалната сцена, но што е уште поважно се менува и културата на пазарното комуницарање во Хрватска и регионот“ – посочува Јелена Фишкуш, додавајќи: „Брендовите, како моќни средства за комуникација кон корисниците, почнуваат да сфаќаат каков е светскиот тренд со години, имено дека покрај деловната ефикасност, имаат и одговорност кон општеството и планетата. Бараме решенија кои се првенствено ефективни, но и иновативни, оние кои нешто му враќаат на општеството што ги консумира и исполнуваат високи естетски и вредносни стандарди, често поместувајќи ги границите. Ќе ми биде задоволство да ја претставувам Хрватска во Лондон, да ги оценувам ваквите дела, кремот на европската креативна сцена и ова драгоцено искуство сигурно ќе го пренесам на нашиот пазар по моето враќање.“
Новина на овогодинешната натпреварувачка сезона на Eurobest е наградата за креативност во сегментот „B2B“, со која се слави иновативната креативност и ефикасност на производите, понудите, услугите, решенијата или искуствата чии примарни клиенти се носителите на одлуки кои вршат трансакции во име на други компании. Апликантите ќе треба да покажат краткорочни тактики и долгорочни стратегии за градење бренд што се поврзуваат со клиентите, го зајакнуваат брендот и на крајот го поттикнуваат растот.
Сајмон Кук, извршен директор на LIONS, коментираше за овогодинешниот панел на жирирачи: „Со исклучително задоволство објавуваме така извонреден состав на талентирани професионалци кои носат голема посветеност и експертиза на задачата што е на располагање. Нашите членови на жирито играат клучна улога во поставувањето на креативниот стандард за Европа и задоволни сме што гледаме застапеност на широк спектар на агенции, брендови и компании – вклучително и многумина кои ни се придружија за прв пат – овозможувајќи разновиден опсег на погледи во процесот на жирирање. Им посакуваме многу среќа и со нетрпение ги очекуваме резултатите што ќе произлезат од нивните дискусии.“
Да потсетиме, Јелена Фишкуш беше избрана и за член на жирито на фестивалот Cannes Lions во 2022 година, со што првпат во жирито на оваа престижна награда беше поканет претставник од Хрватска, а по неа и други хрватски креативци ја продолжија таа низа. Напредокот на целата хрватска комуникациска и креативна професија се рефлектира во зголемениот број на странски ангажмани, меѓународни награди и учество на членовите на HURA во жиријата на бројни меѓународни натпревари, како и проекти и иницијативи во кои учествуваат членовите на HURA.
Целосната листа на жирирачи и повеќе информации за Eurobest можете да најдете на нивната официјална веб-страница.
