Светската економска криза од пред десетина години и ефектите после неа се сеуште свежи и за адвертајзинг индустријата, но тековната Коронавирус криза се чини дека ќе предизвика ист, ако не и поголем импакт во огласувањето ако се верува на истражувањата во САД.
ИАБ од САД истражувале на оваа тема и резултатите се дека дека 3/4 од испитаниците сметаат дека ова ќе биде поголема огласувачка криза споредено со периодот 2008/2009, а дури 44% рекле “исклучително поголем негативен ефект”. Мнозинството испитаници исто така рекле дека веќе имаат направено некакви промени во нивните огласувачки активности што се однесува до вториот квартал на годината, а 1/4 рекле дека целосно го стопирале огласувањето.
Ова може да бидат и привремени, краткорочни промени бидејќи 2/3 рекле дека сеуште нема одлука за промена на буџетите планирани за втората половина на годината.
Друго истражување спровеле од “Advertising Perception”. Во него се покажува дека 9 од 10 огласувачи рекле дека преземале некаква акција во однос на прилагодување на огласувањето, а тоа најчесто биле: стопирање на кампања која требало да се лансира наредниот период (49%), промена на медиумите или прелевање на буџетите од еден на дру тип медиуми (48%), стопирање на кампања која веќе била почната (45%).
Овие испитаници очекуваат дека најлошите ефекти од кризата од пандемијата во однос на адвертајзинг буџетите да бидат во квартал 2 и малку во квартал 3. Во однос на кварталот 4, очекувањата се деке ситуацијата ќе се нормализира.
Во моментов најголем удар претрпија сегментите дисплеј (банери), социјални медиуми и дигитално видео следени блиску од линеарната телевизија. Paid search е каналот кој го задржува буџетот или во него се инвестира дополнително. Околу 47% рекле дека префрлаат пари од дисплеј на paid search.
За Април, испитаниците на ИАБ рекле дека очекуваат најголемо намалување во буџетите да има во традиционалните OOH канали како билборди и дигиталните скринови, како и во радиото – што се должи на одлуките за карантин на населението.
