Amazon ја објави својата нова Божиќна кампања во која се раскажува емотивна приказна за љубовта на еден татко кон неговата ќерка.
Во спотот насловен “Joy is Made” („Радоста се создава“), гледачите ја следат приказната на едно младо девојче кое е целосно воодушевено од снежен глобус. Носејќи го украсот насекаде, од училиште до стоматолошка ординација, таткото на девојчето почнува да ја забележува опсесијата и сака да додаде кон магијата на празниците.
Тој смислува план да создаде верзија на снежниот свет во природна големина, во стаклената градина во нивниот двор, и тоа на големо задоволство на неговата ќерка!
Кампањата е создадена со помош на креативната агенција Lucky Generals и продукциската куќа Hungry Man. Режисер на рекламата е оскаровецот Тајка Вајтити.
