Пријавувањето кампањи за натпреварувачкиот дел на 29. издание на меѓународниот фестивал на креативноста Golden Drum е официјално затворено, а 59 членови на стручното жири веќе започнаа со првиот круг на оценување.
„Golden Drum традиционално игра важна улога во креативната, маркетинг и адвертајзинг заедница во европскиот огласувачки простор. Затоа, ние сме исклучително горди што фестивалот оваа година се враќа уште посилен. Агенции од дури 29 земји ги доставија своите креативни проекти оваа година, надминувајќи ја бројката од минатата година. Најмногу пријавени кампањи пристигнаа од Украина, Романија, Полска, Словачка, Унгарија и Бугарија (по тој редослед), а најдобриот одзив од нововклучените пазари доаѓа од Шведска. Како најпријателски фестивал наоколу, едвај чекаме повторно да се видиме на словенечкото крајбрежје, во Порторож“ – истакнува Миха Бевц, ко-директор на натпреварот.
Крунскиот момент ќе биде престижната наградна церемонија на Golden Drum, овозможена од Mastercard, а закажана за 10 октомври во 20:00 часот. Ова е голема прилика за присутните гости да ѝ оддадат признание на исклучителната креативност и овогодинешните шампиони.
„Фестивалот Golden Drum со гордост објавува дека секцијата за нови медиуми е повеќе од добро прифатена меѓу учесниците на натпреварот – дури 128 проекти во сферата на креативната медиумска извонредност ќе се натпреваруваат за награди. Секцијата “One Channel” сѐ уште предводи со најголем број пријавени кампањи, при што категориите Print, Film и OOH се покажаа како најсилни. Верувам дека ќе има голема конкуренција со многу извонредни, свежи и возбудливи кампањи. Да им аплаудираме на сите победници во Порторож, во октомври, на најпријателскиот фестивал во светот“ – додава Шпела Левичник Облак, ко-директорка на натпреварот.
Потесниот избор на кампањи ќе биде објавен на 2 октомври 2023 година.
Меѓународниот фестивал на креативноста Golden Drum ќе се одржи на 9 и 10 октомври во Порторож, Словенија. Вашето учество на фестивалот можете да го регистрирате на следниот линк.
