Ние сме медиум кој се занимава со “комуникациите” и сите нејзини форми. Комуникацијата без “зачин” на состојки од емоции е иста како да не постои, празна и неефикасна…а кога состојките се убаво искомбинирани тогаш таа може да направи чуда, да поттикне премостување на разни животни “планини” и да биде инспирација што ќе ни ја долови нашата смисла, за нашиот живот.
Велат за храброст треба да имаш душа, а научниците човечката душата ја “ценат” на само 21 грам.
Но, може ли тој 21 грам да има сила која “тежи” многу, многу повеќе, ако доаѓа заедно со “зачин” од внимание, насмевка и љубов….храброст за мнооогу љубов?
Да, се разбира! И кога зборуваме за градење на успешен бренд, компаниски имиџ или успешна комуникација, треба да знаеме дека не ни требаат чуда, понекогаш се доволни и неколку грама храброст, ако тие се “зачинети” со многу искреност и спремност да се подари дел од себе! Ова, повторно, ни го покажа Игор Божиновски, првиот меѓу еднаквите во компанијата “Божиновски” кој за своите вработени и пријатели подготви новогодишен специјалитет од неговата душа, специјалитет кој тежи многу љубов и внимание!
Оваа година на своите вработени, пријатели и Вип клиенти од “Божиновски” решија наместо стандардни подароци да им подарат нешто специјално сработено и избрано баш од првиот човек, Игор Божиновски.
Се работи за навидум скромни 210 гр. домашни колачи во чие правење учествуваше лично Игор, и 21 гр. новогодишен чај избран баш од Игор, спакувани во луксузни пакувања со искрена, лична порака напишана како благодарност што и во оваа година полна со предизвици, нивните пријатели и клиенти останаа нивни верни поддржувачи.
На пораката има и QR код преку кој може да се стигне до видеото од правењето на колачите, а кое можете да го погледнете во продолжение.
Подароците ги додели лично Игор во салоните на Божиновски, лично заблагодарувајќи се на секој еден.
Дека овие неколку грама колачи и чај “тежат” многу љубов, покажаа и искрените реакции од сите што ги споделија своите моменти при отворање на подароците.
