Почнувајќи од денес, 10 март 2025 година, секој работен ден на Facebook страницата на BalCannes ќе се откриваат нови финалисти меѓу рекордниот број проекти пријавени на овој регионален натпревар – а на најдобрите меѓу нив ќе им бидат доделени вредни награди на фестивалот Денови на комуникациите.
Овогодинешното издание на регионалниот натпревар BalCannes повторно ги обединува најдобрите меѓуи најдобрите кога станува збор за агенции и огласувачи од Босна и Херцеговина, Хрватска, Македонија, Словенија и Србија и го слави духот на овие простори. Од година во година, BalCannes ја наградува креативноста и оригиналноста што опстојува и покрај бројните предизвици на пазарот, а сите етаблирани агенции, како и оние кои штотуку се пробиваат на креативната сцена, повторно добија можност да ги претстават проектите на кои напорно работеа во изминатата година.
Оние кои најмногу се истакнаа меѓу нив и го освоија статусот финалисти ќе имаме можност да ги запознаеме почнувајќи од 10 март 2025 година на Facebook страницата на BalCannes, каде секој работен ден ќе се откриваат по два финалисти – и така сè до април! Финалистите ќе се објавуваат по азбучен редослед, според името на проектот, па затоа не пропуштајте ги новостите и следете го BalCannes на Facebook!
Да потсетиме, стручните жири-комисии составени од огласувачи и агенции веќе ги избраа најдобрите меѓу рекордниот број на над 200 пријавени проекти, а жирито составено од експерти од регионалните професионални медиуми одлучи за победникот на специјалната награда „BalCannes Editor’s Pick Award“!
Добитниците на оваа награда, како и најдобрите меѓу финалистите, ќе бидат прогласени на свеченото доделување на наградите на новото издание на фестивалот Денови на комуникациите, кој ќе се одржи во Ровињ од 15 до 18 мај 2025 година.
