Ново истражување на Nielsen покажува кои адвертајзинг формати се со најмногу и најмалку доверба кај потрошувачите
Довербата е многу важен фактор за успех во адвертајзингот и воопшто маркетингот. Ако некому не му верувате, обично не ги прифаќате нивните совети, додека пак, ако некој предложи нешто и верувате на неговиот суд, многу е поверојатно дека ќе го прифатите. Ако секој веруваше на сите адвертајзинг формати 100%, постојано ќе бевме изиграни од луѓе кои го користат адвертајзингот за нечесни активности. Во реалност, довербата е многу важна, и ова истражување покажува дека на некои адвертајзинг формати им веруваме многу повеќе од други. На пример, имејловите се скоро двојно подоверливи отколку текстуалните реклами на мобилни телефони.
Скорешни трендови
Мнозинството од адвертајзинг каналите посведочија како нивната доверливост се намали во последните две години, и покрај тоа што има некои позитивности кај некои дигитални адвертајзинг формати. Рекламите на мобилни телефони и на социјални мрежи имаат пораст на доверливост, но од прилично ниска почетна состојба.
Редакциска (комерцијална) содржина
Editorial content забележа голем пат, што најверојатно се должи на опаѓачкиот тренд на native advertising –от, каде што рекламите се направени да изгледаат како статии, со што би привлекле кликови од луѓе кои обично не би кликнале на нив. Кога адвертајзерите го злоупотребуваат овој тренд и не создаваат квалитетни содржини, тогаш ја повлекува надолу доверливоста на целиот медиум.
Подолу е еден скриншот од веб-страната на Telegraph (еден од поголемите британски весници), Тоа е првото нешто што се појавува кога посетителот завршил со читањето на една статија, и е дизајнирано да се појавува исто како останатите статии од весникот, кои исто така се појавуваат на крајот од текстовите. Всушност тоа се реклами.
Email Маркетинг
Мејловите имаат исто така значаен пад, но сепак остануваат третиот најдоверлив извор во Обединетото Кралство. Ова може да се должи на тоа што маркетерите праќаат премногу имејлови. Потрошувачите стануваат заситени кога примаат толку многу пораки кои престануваат да бидат корисни. Друга причина може да биде тоа дека премногу бизниси почнуваат да користат email маркетинг бидејќи е доверлив и ефективен. Тоа значи дека неговата ефективност се намалува како што се’ повеќе и повеќе компании, дури и оние помалку доверливи, се обидуваат да заработат на ефективноста на медиумот.
ТВ vs Веб сајтови
ТВ рекламите забележаа пад од 5% во споредба со претходните години, но ја одржуваат доверливоста кај респектабилни 56% од потрошувачите во Обединетото Кралство. Довербата во компаниските веб сајтови е намалена за 2%, односно 52% од потрошувачите во Обединетото Кралство им веруваат. Компаниските веб сајтови се значаен медиум за приказ на еден бренд и неговите понуди, и како дестинација на многу други маркетинг кампањи, треба да бидат оптимизирани за задржување на вниманието. Интересно е тоа што, ако постојаните трендови продолжат, компаниските веб сајтови ќе ги ‘претркаат’ телевизиските реклами во доверливост за две години.
Дигитален адвертајзинг
Дигиталните реклами имаат тенденција за мал пораст, или барем да не изгубат кога е во прашање доверливоста. Нивото на доверливост на онлајн банер рекламите и онлајн видео рекламите остана исто како во претходните години, а рекламите на социјалните мрежи и мобилните забележуваат благ пораст од 1%, односно 3%. Сега ги знаете трендовите, но какви се апсолутните нивоа на доверливост кои моментално ги забележуваме во адвертајзинг индустријата?
Личните препораки се на врвот, што има смисла бидејќи е многу поверојатно дека еден пријател ќе понуди понепристрасна препорака отколку реклама чија намена е да продава производи и да зголемува приход. Имејловите се високодоверлив извор за маркетинг, што значи дека органскиот пораст на вашата е-маил листа е добра идеја. Редакциските текстови се исто така високо рангирани, што значи дека content маркетингот е ефективен медиум и треба да биде планиран, менаџиран и оптимизиран со цел да се добијат најдобрите резултати.
Дигиталните медиуми најчесто не се рангирани најдобро на оваа листа бидејќи се релативно нови медиуми и, онлајн банер рекламите особено, се намерно направени погрешно да наведуваат со цел да генерираат повеќе кликови. Маркетерите треба да ги користат овие листи не само за избор на адвертајзинг медиуми кои моментално уживаат високо ниво на доверба, туку и да размислат како можат да ги направат нивните содржини на помалку доверливи канали да изгледаат подоверливи. Давањето на големи ветувања кои не можат да бидат испорачани нема да дадат резултати бидејќи потрошувачите се навикнати на нив и ќе ги надминат таквите пораки. Искреноста се исплаќа во сите адвертајзинг медиуми.
Секако, треба да се има на ум дека ова се само објавени потрошувачки однесувања, а не самото вистинско однесување. Затоа треба да се споредат овие согледувања со вистинската ефикасност на адвертајзинг форматите и медиумите забележани од аналитичарите и маркетерите.
