Бугарската комисија за заштита на конкуренција неодамна ја казни компанијата Metro Cash & Carry со околу 7,6 милиони евра, односно 2% од нивниот годишен промет во 2017 година поради нелојална компаративна рекламна кампања.
Комисијата за заштита на конкуренцијата нареди Метро веднаш да ја сопре кампањата и да ја информира јавноста во два национални печатени медиуми за тоа.
Лидл Бугарија тврди дека Метро се однесувал некоректно со пласирање на компаративна рекламна кампања со која купувачите на Лидл се охрабруваат наместо во Лидл да купуваат во Метро.
Според Лидл, кампањата содржела неколку видео клипови кои се однесувале на популарните тематски недели на Лидл, во текот на кои им нуделе храна и пијалоци од различни земји и региони на единствни кулинарски традиции (на пример, за време на “италијанската недела”, Лидл нудел попусти на италијански вина, тестенини, сосови и сирења). Рекламата на Метро гласела: “Италијанската / азиската / германската / американската недела во Метро започнува на 1 јануари и ќе трае до 31 декември … не го менувајте вашиот вкус, променете го вашиот супермаркет!”.
Метро тврди дека тематските недели не се единствени за Лидл, бидејќи и други супермаркети воделе слична кампања (на пример, Кауфланд и Била). Покрај тоа, Метро вели дека за разлика од Лидл, применува сосема поинаквов бизнис модел, кој е многу поголем и кој е првенствено насочен за професионални купувачи и препродавачи (односно, продажба на големо и/или продажба на производи во големи количини). За разлика од него, Лидл работи на многу помал обем – продава храна и производи за домаќинство за дневни или неделни потреби. Како што наведуваат од Метро, нивните реклами имале за цел да покажат дека хипермаркетите на Метро нудат широк спектар на производи, како и за разлика од своите конкуренти (вклучувајќи ги и Лидл), нивните купувачите имаат корист од оваа разновидност во текот на целата година.
Одредбите од бугарскиот Закон за заштита на конкуренцијата експлицитно забрануваат компаниите да спроведуваат измамнички или некоректни рекламни кампањи поради негативното влијание што тие може да го имаат за конкурентите, особено во однос на влијанието врз однесувањето на потрошувачите. Комисијата за заштита на конкуренцијата утврдила дека другите ланци на супермаркети не спровеле слични рекламни кампањи.
Затоа, идејата дека производите поврзани со “италијанската / азиската / германската / американската недела ” биле на располагање во текот на целата година се смета како напад на долгорочната бизнис стратегија на Лидл. Покрај тоа, Комисијата сметала дека фразата “променете го супермаркетот” е антиконкурентен, бидејќи директно ги охрабрува корисниците Лидл наместо таму да купуваат во Метро.
Одлуката на Комисијата за заштита на конкуренцијата која се однесува на компаративната кампања на Метро е навистина строга; сепак, со неа се зајакнува правната рамка за заштита на работењето и обезбедува фер конкуренција. Компаниите кои ги креираат рекламните кампањи треба да ги земат во предвид сите директни и индиректни референци во однос на своите конкуренти, особено ако такви референци имаат негативни конотации.
