Брендот за козметички производи L’Oréal Paris ја лансираше својата прва дигитална линија на шминка која функционира со помош на Augumented Reality технологија („технологија на изменета реалност“).
Козметичката дигитална алатка насловена “Signature Faces” содржи 10 виртуелни филтри на шминка поделени во три групи, кои корисниците може да ги користат и аплицираат врз своето лице при видео-повици на Google Duo, Snapchat и Instagram.
Брендот исто така ќе лансира еден ексклузивен филтер само за Google Duo, со што L’Oréal Paris станува првиот козметички бренд кој ќе може да се користи директно во оваа видео-конференциска апликација на Google.
Кампањата е создадена со помош на креативната агенција Virtue, во сопственост на Vice Media Group, во соработка со козметичката артистка Вал Гарланд и 3D дизајнериките Ариел Лу и Силвејн Гаусен.
