Порталите претендираат да ги продаваат Вашите слогани (банери, реклами..)… но всушност какви слогани имаат самите тие?
Сето ова го истражуваше Маркетинг365 кој побара помош и од креативниот директор на агенцијата Идеа Плус, Илинка Црвенковска докажан професионалец во креативната индустрија со повеќегодишно искуство како копирајтер и креативен директор во повеќе македонски маркетинг агенции, одговорна за многу успешни слогани на повеќе брендови.
Ја замоливме Илинка да ни ги оцени, школски, со оцени од 1 до 5 ,слоганите на дел од најпопуларните македонски веб сајтови, според тоа колку се креативни и прикладни на темите кои ги обработуваат.
Се обидовме во оценувањето да вклучиме што повеќе од водечките веб сајтови следејќи ја листата на најпосетувани сајтови според Гемиус (за жал голем дел од нив немаат никакви слогани) класифицирајќи ги во неколку групи според темите кои првенствено ги обработуваат.
Единствена чиста петка доби спортскиот портал Дерби.мк за слоганот “Нема спорт без Дерби“, па ја користиме приликава да им честитаме на креативноста и одличниот избор на слоган. За другите портали добронамерен совет малце повеќе да поработат на своите слогани :)
Погледнете ги оценките на Илинка.
| Веб сајт | Слоган | Оценка од 1 до 5 |
| Спортски сајтови | ||
| Екипа | Сакај спорт ! Читај спорт! Живеј Спорт! | 2 |
| Спорт Медиа | Вашата спортска википедија | 3 |
| Спорт365 | Минута во минута со сите најнови спортски актуелности, затоа што спортот е нешто повеќе од игра ! | 1 |
| Дерби | Нема спорт без дерби ! | 5 |
| Спортски.мк | Водечки спортски портал во Македонија | 1 |
| Економски сајтови | ||
| Фактор | Коментарите се слободни, фактите се свети ! | 2 |
| Капитал | Само идејата е капитал, се друго е пари ! | 3 |
| Бизнис вести | Дознајте први! | 1 |
| Лидер | Економски лидер | 1 |
| Бизнис Инфо | Бизнис без политика ! | 4 |
| Забавни и Образовни сајтови | ||
| Мотика | Се насмеа ли денес ? | 3 |
| Think.mk | Друштво за размислување и разонода | 3 |
| Факултети.мк | Сподели знаење, сподели информација ! | 1 |
| Точка | News and Entertainment | 1 |
| Кукурику | Подобро еднаш да прочиташ, отколку сто пати да видиш! | 3 |
| Информативни | ||
| Скај.мк | Дознај се ! | 1 |
| Press24 | Од секој агол ! | 1 |
| Вест.мк | Читај и мисли слободно ! | 3 |
| Максим | Информира и релаксира | 2 |
| Вечер | …Прв дознава | 1 |
