Марија Матиќ, директорка за стратегија и клиенти во Direct Media United Solutions, беше избрана за претседател на Здружението за пазарни комуникации на Србија (UEPS) на изборната и конститутивната седница на новиот состав на управниот одбор.
На состанокот беа избрани новите административни органи кои во следните четири години ќе го водат ова професионално здружение кое полни 65 години од своето основање. Покрај Марија Матиќ како нов претседател, на состаноокот беа избрани и потпретседателите Бранко Летица, извршен директор на Секторот за маркетинг и комуникации на NLB Komercijalna banka, како и Владан Анѓелковиќ, извршен директор во агенцијата New Moment New Ideas.
Покрај нив, членови на Управниот одбор ќе бидат: Ана Жагар, Publicis/MMS Communications; Виктор Николиќ, Beoexpo System; Владимир Ќосиќ, Represent Communications; Душан Станковиќ, FCB Afirma; Јана Савиќ Растовац, McCann Beograd; Јелена Брајовиќ, Sivo.
За членови на Надзорниот одбор беа избрани: Милка Негровиќ, Homepage; Мила Батута; и д-р Милица Слијепчевиќ.
Во далечната 1960 година, група ентузијасти и љубители на професијата го основале Здружението на економски пропагандисти на Србија со цел афирмирање на нивната професија. Собранието на UEPS го сочинуваат сите членови кои го избираат Управниот одбор, Надзорниот одбор и Судот на честа, кои се официјални претставници на Здружението во земјата и светот.
