Надвор од големите играчи како Facebook, маркетерите со години се мачеа да докажат дека мобилниот адвертајзинг е ефективен, во значајна мера затоа што кампањите за смартфони ги немаа можностите за мерење и таргетирање кои десктоп огласувачите ги очекуваа.
“Она за што маркетерите се засегнати денес е големиот премин од десктоп на мобилни уреди”, изјави Ричи Гласберг, CEO на Medialets која е во сопственост на WPP. “Во последните две до три години, мобилните зафаќаат 60% од користењето на дигиталните технологии, но маркетинг трошењето заостанува. Алатките кои ги употребуваат за десктоп не одговараат за мобилните уреди.”
За да им се помогне на брендовите да го мерат ефектот на мобилните реклами кои им ги прикажуваат на потрошувачите, Medialets ја приклучи својата технологија за таргетирање на реклами на brand-lift истражувањата на Millward Brown Digital (исто така во сопственост на WPP). После прикажувањето на мобилна реклама, огласувачите ќе можат да направат истражување за да дознаат дали луѓето ја памтат.
До сега, брендовите можеа да прават истражувања преку Millward Brown само на десктоп, бидејќи технологијата е заснована врз ‘колачиња’ (cookies), податоци кои ја следат Веб активноста, а кои не постојат на смартфони.
Наместо користењето на ‘колачиња’, технологијата на Medialets анонимно ги следи мобилните преку нивните идентификациони броеви за да им помогне на огласувачите да таргетираат специфични групи на потрошувачи. После идентификувањето дека некој ја погледнал рекламата, брендовите ќе можат последователно да направат истражување со прашања како “Дали ја запамтивте рекламата која што ја гледавте” или “Колку е веројатно да го купите призводот кој го гледавте во рекламата?”
“Ова е навистина тешка, длабока технологија, но е фундаментална,” рече Гласберг. “Ако неможете да го идентификувате уредот, а ‘колачињата’ не работаат на мобилни, како ќе им ги дадете на маркетерите алатките и индикаторите за перформанси со кои ќе се чувствуваат удобно при одредувањето на нивниот буџет за мобилен маркетинг?”
И покрај тоа што не сакаше да именува конкретни брендови, Гласберг рече дека пет огласувачи – вклучувајќи брендови од индустриите за автомобили, пакувани потрошувачи стоки, пијалоци и финансии – ги испробале новите алатки за мерење.
Дали brand-lift истражувањата ќе ги убедат огласувачите да определат повисоки буџети за мобилен маркетинг, не е сигурно, особено кога се има во превид порастот на измами и ад-блокери, но генерално, трошењето на мобилен маркетинг е во постојан пораст. Според eMarketer, мобилниот маркетинг опфатил 52.4% од вкупното дигитално трошење во 2015 година, наспроти 38.5% во 2014 година. Оваа година, мобилниот маркетинг се очекува да ‘зграби’ 62.6% од буџетите за дигитален маркетинг.
