Компанијата за платежни финансиски услуги Visa претстави нова кампања со наслов „Typewriter“ („Машина за пишување“), вдахнувајќи нов живот во својот иконичен слоган „Everywhere You Want to Be” („Секаде каде што сакаш да бидеш“).
Централниот спот на кампањата следи една млада жена која купува старовремска машина за пишување и си замислува како таа може да ѝ помогне во остварувањето на нејзините соништа и потенцијални професионални кариери – од тоа да стане познат филмски сценарист, или светски познат готвач, до глобален туристички инфлуенсер.
Без разлика за што таа ќе се одлучи, Visa е тука да ѝ помогне: најпрвин да ја купи машината за пишување, а потоа да ја следи и поддржува во текот на нејзиното животно патешествие – чекор по чекор, трансакција по трансакција.
Премиерата на спотот беше емитувана за време на синоќешната церемонија на доделување Оскари.
Кампањата се реализира во соработка со креативната агенција Anomaly.
