SoMoCast е поткаст кој е составен дел на SoMo Borac, лансиран од Httpool во соработка со платформата VOYO. Гостин во петтата епизода од втората сезона беше Матеј Лончариќ, генерален директор за дигитален бизнис во CME Adria.
Иако по струка е магистер по вселенски и комуникациски технологии, Матеј Лончариќ својата кариера ја изгради токму во медиумите. Во Nova TV поминал цели 10 години, поточно од својата 18 години, по што преминал во 24sata, а денес е главен директор за дигитални операции во CME Adria.
Пристигнувајќи во 24sata, Матеј и неговите колеги увиделе дека има простор за понатамошен развој во видео форматот. „Тогаш YouTube ја вклучи монетизацијата во 2015 година, па ги сфативме трендовите на западниот свет, каде што почнаа да се појавуваат некакви инфлуенсери и целата таа култура. Помисливме зошто ние сега да не го започнеме тоа тука. Потоа, Styria ни даде инвестиција, бидејќи Styria започна инкубатор за иновации, каде што ние вработените отидовме да ги предложиме нашите идеи. Една од моите идеи беше тој видео канал на YouTube, а потоа дознав дека тој проект случајно влегол во топ 40 изборот, затоа што еден Австриец се повлеkol, па решија да додадат уште еден, а тоа всушност беше проектот JoomBoos“.
Во 24sata, тие работеле на трансформацијата на нивните брендови што тогаш ги имале, односно целата трансформација на нивниот начин на размислување – од создавањето содржина за новинските портали, начинот на кој да ги „спакуваат“, до настапот на пазарот спрема нивните клиенти.
Преминување во CME Adria
„CME беше тука од 2004 до 2017 година кога беше сопственик на Nova TV во Хрватска. Минатата година, CME ја купи RTL Croatia, каде што RTL е само брендот што остана, и CME започна да ја менува целата приказна за RTL, односно повеќе да вложува во локалната продукција и да го става тој нашиот дигитален сегмент на прво место. Почнав да разговарам со CME некаде на крајот на минатата година, каде што некои од нашите заеднички визии се поклопија. Си реков – зошто да не пробам сега? Ме интересира тоа“ – објаснува Лончариќ.
Втората најголема работа што го мотивирала била VOYO, стриминг платформа која има над 580.000 претплатници во Чешка и Словачка. Тие успеале да ги добијат тие 580.000 претплатници за околу две години. „Тука се гледа тој некаков простор за стриминг платформи, како телевизијата може да го придобие тој ТВ гледач со својата телевизиска содржина, за тој да користи дигитални содржини и да плаќа за тие содржини. Словенија ми беше мотивација, за која сум одговорен и сега, каде што нашиот VOYO е посилен од Netflix. Значи, ние имаме повеќе претплатници, моментално имаме 165.000 претплатници во Словенија“ – истакнува Матеј.
Зошто мислиш дека ќе успееш таму каде што толку многу не успеале?
„Па, ги гледаме првите резултати. Целиот 7-ми и 8-ми месец ми беше полн стрес. Дали луѓето ќе плаќаат за стриминг сервис во Хрватска? Можеме ли да направиме добра содржина? И видовме дека можеме. Направивме истражување и во Хрватска има 35% луѓе кои не користат никаква услуга за стриминг. Значи, тој процент ќе се намалува. Логично, нели? Бидејќи така беше и за паметните телефони, па и за секоја индустрија“ – посочува гостинот.
Тој се осврна и на моделот на насочување кон корисникот и на севкупното разбирање на навиките на корисникот и посочи дека во иднина тоа ќе биде единствената игра во медиумскиот свет и воопшто дигиталната сфера. Луѓето се подготвени да платат за квалитетни информации и платформа каде ќе се едуцираат, додека брзата информација без вредност ќе остане во сегментот на огласувањето. Погледнете повеќе за сето ова во новата епизода на SoMoCast.
Сите новости за SoMo Borac можете да ги следите преку нивниот newsletter, на официјалната веб-страница, како и на социјалните мрежи Facebook, Instagram и LinkedIn. Поткастот SoMoCast се реализира во соработка со стриминг платформата VOYO, а може да се гледа преку следните канали: YouTube, Spotify, Deezer, Apple Podcasts и Google Podcasts.
