Агенциската мрежа McCann Worldgroup ја унапреди Џесика Тамсеџ, досегашен управен директор на McCann London, на позицијата генерален директор за клиенти за регионот на Европа и Обединетото Кралство.
Во нејзината нова улога, Тамсеџ ќе биде задолжена за надгледување на односите со клиентите на агенцијата ширум посочениот регион.
Притоа, за своите задолженија, Тамсеџ ќе одговара пред Марк Лунд, претседател на McCann Worldgroup за Европа и Обединетото Кралство, како и пред Нанет ЛаФонд-Дуфор, глобална претседателка за клиенти и бизнис лидерство во McCann Worldgroup.
Тамсеџ се приклучи на McCann во 2019 година, кога тогашната управна директорка на McCann London, Шерил Марџорам, беше унапредена во извршен директор. Сега, на позицијата европски директор за клиенти, Тамсеџ го наследува Тоби Саутгејт.
