Мекдоналдс и Бургер Кинг ќе ги отстранат сите пластични играчки за деца кои беа дел од оброците. Овој чекор е дел од заложбите на двете компании за намалување на пластичнот отпад и заштита на околината.
Речиси 1,2 милијарди McDonald’s Happy Meals оброци за деца се продаваат секоја година во светски рамки. Од следниот месец, корисниците на Мекдоналдс ќе можат да ги заменат пластичните играчки со овошје, а од следната година и со книга.
Гигантот за брза храна се обврза да обезбеди целокупното пакување да доаѓа од обновливи или рециклирани извори до 2025 година.
Од Бургер Кинг приизнаваат дека се поттикнати да ги отстранат пластичните играчки од оброците за деца по започнувањето на онлајн петицијата од страна на неколку ученички.
Пред само една година, сестрите Ела и Кејтлин МекЕван покренаа петиција на Change.org за да ги наведат Мекдоналдс и Бургер Кинг да „размислат за околината“ и да престанат да им даваат на децата пластични играчки. Ела и Кетлин МекЕван, на возраст од седум и девет години сакаат подароците да бидат направени од одржливи материјали.
Две сестри собрале повеќе од 400.000 потписи во нивната петиција против употребата на пластични играчки во детските оброци со цел да се заштити животната средина. „Почнавме да размислуваме за животната средина, учејќи за тоа кога бевме на училиште. Сакам да јадам во „Мек Доналдс“ и „Бургер Кинг“ понекогаш, но не ги сакам играчките – тие се навистина лоши за животната средина“, вели Ела.
Аласдаер Мардок, главен извршен директор на Бургер Кинг Велика Британија, вели дека отстранувањето на пластичните детски играчки од нивните ресторани е „чекор во вистинската насока“.
„Ако ги натераме другите конкуренти да ги придвижат своите практики напред, тоа може да биде само добра работа“, вели тој.
Од ресторанот проценуваат дека со тоа ќе заштедат приближно 320 тони пластичен отпад годишно.
