Mercedes-Benz не е производител на автомобили што „бега“ од создавање на некои од најневеројатните колекционерски возила во ограничени серии, вклучително и ексклузивниот Mercedes-Maybach S-Class дизајниран во соработка со починатиот моден дизајнер Вирџил Аблох.
Сега, компанијата објави дека ќе воведе повеќе ексклузивни изданија во рамките на серијата MYTHOS – целосно нов подбренд кој ќе произведува ултра колекционерски возила во ограничен број само за „најпосветените ентузијасти и колекционери“.
Според компанијата, секој автомобил од серијата MYTHOS ќе има за цел да го заслужи своето место покрај историскиот пантеон на великани на брендот.
„Повеќето луксузни компании го градат своето портфолио врз основа на една или две вистински икони. Mercedes-Benz ја има таа среќа да има повеќе иконски производи и брендови на горниот крај од своето портфолио – како што се S-Class, SL, G, како и брендовите AMG и Maybach. Гледаме голем потенцијал тука да го прошириме нашето врвно портфолио со уште пофасцинантни производи за нашите клиенти“ – посочи Ола Калениус, претседател на управниот одбор на Mercedes-Benz Group AG.
