Германскиот автомобилски бренд Mercedes-Benz лансираше две нови Божиќни реклами за американскиот пазар.
Во првата реклама гледаме како Баба Мраз со помош на своето теренско возило од Mercedes успева навремено да однесе едно мало куче до Дедо Мраз, кое што тој го заборавил, а всушност треба да го подари на едно девојче.
Втората реклама претставува реинтерпретација на приказната “A Christmas Carol” од Чарлс Дикенс, во која еден дух на друг човек му ја покажува еволуцијата на патниот транспорт: од минатото со кочии по калливи и валкани улици, преку денешницата на заглавени автомобили кои го загадуваат воздухот, до оптимистичката чиста иднина на електрични автомобили.
Рекламите се создадена во соработка со креативната агенција Merkley+Partners и продукциското студио Biscuit Filmwork.
