Досегашните текстови за статистиките и остварувањата на македонските веб сајтови, во континуитет се едни од најчитаните статии на М365, така што и оваа година продолжуваме со update на прегледот на најпосетуваните портали според мерењата на Гемиус, овојпат за месец февруари 2015 година.
Забележливо е дека неколку водечки портали од изминатите прегледи повеќе не се дел од мерењата на Гемиус, што секако ја нарушува релевантноста на споредбата на резултатите со тие од претходно и кредибилитетот на самиот сервис, но Гемиус сеуште засега останува единствен официјален мерач и истражувач на македонската интернет публика.
Многу забележливо од ранкинзите подолу е дека најголемите позитивни трендови во порастот на речиси сите параметри го направиле порталите кои воглавно третираат политички теми, што е за очекување со оглед на актуелните случувања на политичката сцена во земјава изминатиот месец.
——надополнето—- 18.03—
Дел од водечките портали не беа вклучени во мерењата за февруари поради определени технички проблеми (за ова добивме потврда и од порталот Плусинфо во коментарите на првично објавениот текст), но најавено е дека истите ќе бидат дел од сајтовите кои ќе се мерат во месеците кои претстојат.
———————————–
Рангирањето за месец февруари 2015 ќе го презентираме по 4 параметри ( Reach, Visitors (Real Users), Page Views и Visits).
- Прв параметар по кој ќе го прикажеме рангирањето на веб сајтовите за месец февруари ќе биде според Reach т.е. според процентот на посетители (real users) кои погледнале најмалу една веб страна од веб сајтот за определеното мониторирано време споредено со вкупниот број на активни интернет корисници во истиот временски период.
Целиот ранкинг по овој параметар можете да го видите на следниов ЛИНК
- Ако Reach-от го претставиме во апсолутни бројки, односно според Visitors (Real Users) вистински корисници, параметар кој претставува број на луѓе (не компјутери или кукис) кои барем еднаш во мониторираниот период (февруари 2015) посетиле најмалку една страна од мониторираниите веб сајтови:
Целиот ранкинг по овој параметар можете да го видите на следниов ЛИНК
- Нареден параметар по кој ќе го прикажеме рангирањето ќе биде Page Views – т.е. бројот на прикажани страни од еден веб сајт во рамки на пребарувачот на посетителот (т.н. број на импресии).
Целиот ранкинг по овој параметар можете да го видите на следниов ЛИНК
- За крај, ќе го покажеме ранкингот според Visits, односно вкупен број на посети на еден портал, генериран од интернет корисниците во определениот временски период.
Целиот ранкинг по овој параметар можете да го видите на следниов ЛИНК.
Повеќе информации за методологијата и рангирањето можете да видите на Audience.mk од каде што овие податоци се преземени и каде месечно се објавуваат најновите извештаи за ранкингот по овие параметри.
Овие метрики се само еден мал индикатор, една мала помош плус, при изборот на веб медиум кој е најпогоден за вклучување во медиа планот за следната кампања на нашиот клиент, но секако тие неможат да ни бидат одлучувачки бидејќи е неразумно во предвид да не се земе дополнителна анализа на содржината на веб медиумите, кредибилитетот кој таа го има кај нашата целна публика, како и дополнителна анализа на демографските и психографските карактеристики на читателите на определениот портал.
