Подготовките се во полн ек за новите Денови на комуникациите, кои ќе соберат неколку илјади учесници на своето 11-то издание од 15 до 18 мај! Најпознатата хуманоидна вештачка интелигенција, најиновативниот маркетинг директор во светот според Business Insider и добитник на повеќе од 200 награди на Cannes Lions, киборг антрополог, водечки светски експерт за економија на вниманието, најголемиот светски авторитет за продажба и цени на креативни услуги, најитриот трол на интернетот… ова се само некои од експертите со глобален углед кои за неколку дена ќе се појават на главната сцена во Ровињ.
Затоа, за сите кои нема да можат во живо да се приклучат на заедницата на маркетери, креативци, дигиталци, ПР-овци и сите вљубеници на пазарните комуникации, популарниот фестивал има одлични вести. Предавањата во главната сала ќе бидат достапни и за гледање преку интернет, благодарние на партнерите за онлајн и хибридни настани на фестивалот – Confiva, а сите информации за котизацијата за онлајн регистрација се достапни на следниот ЛИНК.
Да ве потсетиме дека, покрај одличната локална програма, најавени се низа исклучителни говорници кои ќе бидат достапни за следење онлајн, и тоа: познатата хуманоидна вештачка интелигенција Софија; најиновативниот маркетинг директор во светот според Business Insider и добитник на повеќе од 200 награди на Cannes Lions, Фернандо Мачадо, powered by A1; потоа Карен Нелсон-Филд, водечки светски експерт за економија на вниманието и најобјавувана авторка на WARC; Блер Енс, водечки светски авторитет за продажба и одредување цени на креативни услуги; Мајкл Коркоран, најитриот трол на интернетот и поранешен раководител на социјалните медиуми на Ryanair; Мариша Лакијани, експерт за вештачка интелигенција и автоматизација за раст на брендовите и максимизирање на повратот на инвестициите за огласување (ROAS); Јохан Ронестам, експерт за глобален брендинг, сериски претприемач и креативен визионер зад кампањите за брендови како што се Volvo, Adidas и IKEA; Мирели Креспи, креативниот стратег зад повеќе од 2.000 реклами месечно на шест јазици за глобални брендови како што се Amazon, Meta, Unilever и Ubisoft; Ембер Кејс, powered by ENNA, киборг антрополог и една од највлијателните жени во технологијата според Fast Company; како и Дитмар Дамен, светски познат експерт за трансформација, иновации и иднината на бизнисот.
Повеќе информации за фестивалот и неговата програма можат да најдат на: www.danikomunikacija.com.
