Роковите за пријавување за NEM Awards 2024, натпреварот за најдобра ТВ содржина од регионот на Централна и Источна Европа (ЦИЕ), завршуваат во текот на октомври.
Регистрацијата е бесплатна за сите учесници од ЦИЕ, а роковите се одредени во зависност од трите главни категории:
- Наградата за најдобар предразвоен проект е наменета за креативци кои имаат идеја за ТВ сценарио, без разлика на искуството. Условите за апликација ги исполнуваат неколку ТВ формати во следните поткатегории:
- Серија по сценарио
- Долгометражен филм по сценарио
- Документарен серијал/Игран филм
- Формат за забава
Наградниот фонд вклучува можност за претставување на проектот на домашни и меѓународни партнерски настани како што се NEM Dubrovnik, Heart of Europe, Conecta и Series Mania, како и бројни можности за вмрежување со колегите од индустријата. Повеќе информации за наградите можете да најдете ТУКА.
Пријавувањето трае до 10 октомври 2024 година.
- Наградата за развој на копродукциски серии на Советот на Европа има за цел да ја поттикне креативната соработка во копродукцијата на серии и да ги поттикне независните продуценти во развојот на меѓународни драмски, документарни или анимирани серии. Наградата е дел од Пилот-програмата за копродукција на серии, како дел од иницијативата на Советот на Европа, седиштето на Eurimages.
Наградата изнесува 50.000 евра (неповратни средства).
Пријавувањето трае до 17 октомври 2024 година.
- Наградата за најдобра завршена ТВ серија во ЦИЕ ќе биде доделена на најдобрата ТВ серија во регионот на ЦИЕ. Тоа е престижно признание за извонредност што ги слави целосно реализираните и завршени ТВ серии од Централна и Источна Европа.
Повеќе информации за наградите можете да најдете на следниот ЛИНК.
Пријавувањето трае до 24 октомври 2024 година.
Зошто баш NEM Awards?
Организаторите покануваат сценаристи и креатори на содржини, студенти поврзани со индустријата, продуценти, телевизиски и продукциски компании, таленти и други професионалци од ТВ индустријата од регионот на ЦИЕ, Европа и остатокот од светот да ја искористат можноста за издигнување на нивниот проект на ново ниво. Победниците од сите главни категории и поткатегории ќе бидат избрани од независно жири составено од врвни индустриски експерти.
Церемонијата на доделување награди ќе се одржи за време на настанот NEM Zagreb 2024, од 10 до 12 декември 2024 година во хотелот Esplanade во Загреб, на кој ќе присуствуваат клучните лидери во индустријата.
Во 2023 година, добитниците на наградите на NEM во пет различни натпреварувачки категории беа:
- Сценарио: Рене Гало – „Mild Miracles“
- Долгометражен филм според сценарио: Миле Божиќевиќ – „Mothers of Humanity“ и Дарија Стилин – „Tied Up“
- Документарна серија / долгометражен документарен филм: Јулија Грошек – „Sugarland“
- Формат за забава без сценарио: Мартичка Божилова и Искра Ангелова – „Eat a Book“
- Најдобра драмска ТВ серија во ЦИЕ: „Spy / Master“ – Warner Bros. Discovery
За настанот NEM Zagreb
NEM Zagreb е настан фокусиран на создавање ТВ серии и филмови. Целта на настанот е поврзување на талентите со вредни можности, создавање простор за нови соработки и подобрување на ТВ индустријата во Централна и Источна Европа. NEM Zagreb создава можности за нови проекти, деловни партнерства и копродукции помеѓу земјите од Централна и Источна Европа и копродукции помеѓу земји со низок и висок производствен капацитет. Исто така, промовира аквизиција на содржини во и надвор од регионот на ЦИЕ, како и инвестиции од европски или светски стримери во оригинални содржини од регионот на ЦИЕ.
NEM Zagreb 2024 е кофинансиран од Европската Унија, преку потпрограмата Креативна Европа МЕДИА. Повеќе информации се достапни на официјалната веб-страница на NEM Zagreb 2024.
