Најголемата стриминг платформа во светот Netflix го најави својот прв глобален настан за фанови “Tudum”, именуван така по џинглот кој е препознатлив за платформата.
Настанот е закажан за 25 септември и ќе се одржи онлајн, со бесплатен пренос на YouTube, Facebook и Twitch.
Фановите ќе имаат можност да дознаат ексклузивни новости, да „ѕирнат“ во претстојните содржини и да проследат панели со ѕвездите на преку 70 серии и филмови во продукција на Netflix, вклучувајќи ги Stranger Things, Emily in Paris, The Witcher, The Crown, Cobra Kai и Bridgerton.
„Ова е нашиот прв глобален Тудум настан и нашата цел е едноставна: да ги забавуваме и почестиме фановите на Нетфликс од целиот свет,“ посочуваат од компанијата.
Меѓутоа, Netflix не е првата стриминг-платформа која организира виртуелни настани за своите фанови. Претхоно годинава, еден таков настан беше одржан во мај од страна на Disney+, со најава за уште еден во ноември.
There’s only one place to see your favorite stars reveal exclusive first looks of Netflix’s biggest shows and films… #TUDUM: A Global Fan Event is coming September 25 pic.twitter.com/moXnYqtxOD
— Netflix (@netflix) August 25, 2021
