Стриминг платформата Netflix објави краток мјузикл со кој им оддава признание на гледачите кои редовно се навраќаа да ги користат нејзините услуги за време на оваа пандемиска година.
Главен лик во спотот насловен “We Watched It All” („Изгледавме сé“) е композиторот Мет Бушел кој всушност и ја напишал самата песна. Забавниот мјузикл се навраќа на сите серии и филмови кои се истакнаа на Netflix оваа година, како Tiger King, The Crown, Emily in Paris, The Queen’s Gambit и други.
Во видеото накратко се појавуваат и некои од ѕвездите на Netflix, како Професорот (Алваро Морте) од La Casa de Papel и Аса Батерфилд и Н’кути Гатва од Sex Education. Песната се освнрува и на тоа зошто оваа година немаше сезона на Stranger Things, посочувајќи дека 2020 беше доволно чудна.
На крајот се заклучува дека е доста гледање Netflix за оваа година, со надеж за подобра 2021 година.
