Над 20 независни австралиски медиуми со мала и средна големина одлучија да одржат 24-часовен „штрајк“ против Мета, компанијата-сопственик на Фејсбук и Инстаграм.
Издавачите, меѓу кои и Broadsheet, Concrete Playground, Urban List, City Hub, Star Observer, Australian Jewish News и Australian Chinese Daily, го замрзнаа објавувањето на нивните времеплови и наместо вести, поставија директна порака до генералниот директор на Мета, Марк Закерберг.
Кампањата, насловена #WaitingOnZuck („Чекајки го Зак“), ги охрабрува Австралијанците да му испратат писмо на министерот за финансии Џош Фрајденберг, за тој, пак, да му каже на Марк Закерберг да престане да ги еродира австралиските новински медиуми и да го предизвика Фејсбук да преговара со независните издавачи за подобри комерцијални услови.
Австралија пред една година донесе закон со кој ги обврзува дигиталните платформи да остваруваат комерцијални преговори со локалните медиски компании. Меѓутоа, законот ги изоставува малите и средни медиуми. Поради тоа, тие сметаат дека доколку законот остане вака како што е, големите технолошки компании ќе ги избираат „победниците и поразените“ меѓу австралиските медиуми.
