Со дијаметрално спротивставени тврдења кои доаѓаат од различни истражувања, се уште е прерано да се зборува за ефектите кои новата контроверзна Најк кампања ќе ги има, особено на долг рок
Новата Најк кампања со која брендот одбележува 30-годишнина на познатиот слоган „Just Do It“, претставува 30 спортисти како амбасадори на брендот Најк, но само еден од нив веднаш ја донесе оваа кампања на насловните страници низ светот – Колин Каперник. За кампањата веќе на големо пишуваат светските медиуми, а судејќи според контрадикторните податоци, уште е рано да се зборува за реалните ефекти од кампањата.
Да се потсетиме, Каперник е поранешениот играч на San Francisco 49ers кој пред неколку години ја разбранува американската јавност така што клекна за време на интонирањето на националната химна како протест против расизмот и дискриминацијата – акт кој подоцна го прифатија и други играчи. Тој постави негова црно-бела фотографија на социјалните мрежи, прикажувајќи го логото на Најк и слоганот „Just do it“, со текст: “Верувај во нешто. Дури и ако тоа значи да се жртвува сè. “
Многумина го критикуваа брендот заради овај потег, па на социјалната мрежа се појавија и снимки на луѓе кои ги уништуваат своите Најк производи и повикуваат на бојкот. Се направија и неколку анкети, а според една анкета, резултатите на компанијата се во остар пад во САД. Од друга страна, постојат и извори кои тврдат дека брендот забележа голен раст во онлајн продажбата.
Извештајот “Morning Consult” дава причини да веруваме дека мислењето на потрошувачите брзо се променило по објавувањето на новата кампања.Оваа студија во САД, спроведена врз основа на 1.694 анкети пред самата кампања (крајот на август) и 5.481 анкети по кампањата, покажа дека популарноста на Најк на интернет паѓа помеѓу целните групи. Очекувано, републиканскиот испитаниците покажуваат најголем пад на наклонетоста кон брендот (после изјавата на Доналд Трамп), како и генерацијата на Бејби бумери.
Сепак, она што уште повеќе изненадува е што брендот ја изгуби својата популарност меѓу сите демографски групи, со просечни 69% на 35% по лансирањето на кампањата. Популарноста на брендот опадна и меѓу корисниците на Најк, членови на генерација Y и Z. Оваа студија, исто така, заклучи дека и намерата на купувањето е во опаѓање.
Но, податоците од Edison Trends, која ја истражува дигитална трговија, јасно покажуваат дека во оваа ситуација не постои едноставен одговор. MarketWatch, во својата статија се повикува на бројките од Edison Trends, покажувајќи дека онлајн продажбата на Најк се зголемила за 31% во периодот помеѓу 2 септември и минатиот вторник, во споредба со растот од 17% во истиот период од 2017 година.
Некои коментатори подвлекоа дека ефектите од овој потег на Најк ќе бидат јасни дури на долг рок. Во секој случај, се работи за смела кампања со политички импликации, која се надоврзува на постојната дебата во општеството и како таква, нејзината цел не е краткорочна продажба, особено кога се работи за прашање кое се смета дека е крајно поларизирано.
На крајот, влијанието на кампањите, особено вакви, не може да се препознаат во рок од седум дена од започнувањето. Долгорочните ефекти ќе покажат дали учеството на Најк во политичката ситуација во која сака да заземе страна, било вредно за ризик.
