SoMo Borac од година во година воведува новитети, па така и оваа година статуетката доби нов изглед, зад кој стои 3D Tvornica.
Се ближи датумот на SoMo Borac поддржан од Httpool, кој оваа година носи бројни новитети. За прв пат, SoMo Borac ќе се одржи во формат на целодневна конференција на која ќе гостуваат најголемите дигитални и медиумски експерти од регионот и Европа. Повеќе од 30 врвни регионални и европски експерти од медиумската и огласувачката индустријата ќе го споделат своето знаење за актуелни теми како вештачката интелигенција, дигиталната претплата, маркетингот на перформанси и многу други.
Уште една голема вест е дека статуетката на најважната регионална награда за дигитални дела има нов изглед! Симпатичниот и лесно препознатлив „сумо борец“ и понатаму е главниот мотив на статуетката, но оваа година е на црна основа и со различен дизајн на буквите.
„Во последните 11 години SoMo Borac суверено се позиционираше како најважна регионална награда за дигитални дела, а тоа се покажува од година во година со поставување на нови рекорди во бројот на апликации и со сè поквалитетни и креативни проекти. Како што влеговме во нова деценија оваа година, решивме да ја прошириме содржината на настанот со воведување на целодневна конференција, но и да ги наградиме најдобрите дела со нова, редизајнирана статуетка. Не сакавме премногу да отстапуваме од нашиот сакан „сумо борец“, па тој сè уште е во центарот на вниманието, но додадовме неколку нови елементи за дополнително да ја нагласиме неговата важност и тежина за регионалната дигитална и медиумска индустрија“ – истакнува Ружица Врдољак Личина, извршна директорка на SoMo Borac.
Тег што ја симболизира тежината на наградата
Зад новиот изглед на статуетката стои 3D Tvornica, компанија која долги години учествува во проектот SoMo Borac. Валент Турковиќ, директор на компанијата 3D Tvornica, вели дека направиле тег што има естетски аспект, а ја симболизира тежината и значењето на самата награда.
„Во текот на процесот на 3Д моделирање и пост-обработка воведовме т.н. иглички за да се обезбеди прецизно лепење на буквите „SoMo Borac“ и цврсто ги поставивме. Важно е да се напомене дека продолжуваме да користиме исклучиво биолошки обновливи материјали, PLA на база на пченка, што обезбедува еколошки прифатливо производство и можност за рециклирање. Овие измени дополнително го подобруваат изгледот и квалитетот на статуетката“ – објаснува Турковиќ.
Имајќи предвид дека статуетката на SoMo Borac е резултат на 3D печатење од самиот почеток, решивме да го проучиме потенцијалот на технологијата зад него. Како што ни објасни Турковиќ, денешниот свет на 3D печатење стана како волшебно стапче кое може да се примени речиси секаде. Споменатата технологија се користи во забавната, автомобилската, медицинската и вселенската индустрија, со тоа што не зборуваме само за прототипови, туку за масовно производство на висококвалитетни производи.
Нова ера на иновации со вештачката интелигенција
Со оглед на тоа што SoMo Borac континуирано ги следи промените на пазарот, но и во сегментот на новите технологии, споменатиот развој во 3D технологијата е сосема видлив при изработката на статуeтката на SoMo Borac. Во претходните години, 3D Tvornica беше фокусирана само на 3D печатење на моделот на статуетката, кој се состоеше од букви, фигура и постамент. По печатењето, делото беше „проследено“ кон процесите на пост-обработка. Оваа година, сепак, тие презедоа целосна контрола над процесот – наместо само 3D печатење, тимот на 3D Tvornica ги презеде задачите за пост-обработка и прилагодување на статуетката и постаментот.
Турковиќ предвидува дека за пет или десет години појавата на 3Д печатењето ќе стане исклучително возбудлива и трансформациска, со фактот дека на вратата на индустријата тропа нова, голема ера на иновации, водена пред сѐ од вештачката интелигенција.
„Една од значајните промени што ги предвидувам е употребата на говорот за оптимизирање на дизајнот. Ова значи дека ќе можеме едноставно да ги изразиме нашите желби, како на пример: „Сакам поголем постамент за SoMo Borac во 2024 година, потешка основа и различна боја. Вештачката интелигенција потоа брзо ќе генерира соодветен 3D модел кој ќе ги земе предвид правилата на адитивната технологија, без разлика дали ни треба промена или замена на постоечки дизајн за да добиеме резервни делови за автомобил, да го замениме оној дел од машината за перење што сме го изгубиле или да додадеме нов украс на велосипед. Ова ќе овозможи персонализација и побрза изработка на производи по наша желба“ – заклучува Турковиќ.
Билетите за првата конференција на SoMo Borac се распродадени, но за сите оние кои не сакаат да ги пропуштат одличните предавачи, обезбедете го вашиот стриминг линк за да ја проследите целата конференција на веб-страницата на SoMo Borac. Дотогаш не ги пропуштајте интересните говорници во поткастот SoMoCast, кој се реализира во соработка со стриминг со платформата Voyo, а може да се гледа на следните канали: YouTube, Spotify, Deezer, Apple Podcasts и Google Podcasts.
