Само ултра-кратките реклами можат да ја пренесат пораката на брендот (или производот). Ова е резултатот од истражувањето и невролошката студија на IPG Mediabrands и издавачот Sanoma спроведени во Холандија.
Студијата, која се заснова на опсежно истражување на ефектите од кратките реклами врз однесувањето на потрошувачите, покажува дека само 25% од гледачите во почетните секунди ја регистрираат пораката која рекламата ја пренесува онлајн и тоа без јасно препознавање на брендот. Исто така, 39% од испитаниците на Фејсбук или Инстаграм ги гледаат само првите 2 до 3 секунди од од видеата кои траат од 20 до 30 секунди.
Според главниот директор за податоци и технологија во IPG Mediabrands Холандија, Мено ван дер Стен, кој е еден од коавторите на извештајот, оваа ситуација отвора нов полигон за креативците: „Потрошувачите ќе ги прескокнат, игнорираат или прелистаат форматите на реклами кои се нудат онлајн секогаш кога ќе можат. Затоа сум убеден дека има простор за „одлично“ рекламирање токму во рамките на ултра кратките формати. Исто така, тоа ќе влијае на креативците да го променат нивниот начин на размислување кога станува збор за ефикасните реклами и strorytelling-от на интернет. Сите знаеме колку може да биде добар, на пример, анимиран GIF, TikTok, филтер или Boomerang. Дојде време да се воведе слично креативно размислување и во поконвенционалните домени на адвертајзингот“.
Студијата, спроведена во соработка со неулолози од UnRavel Research, вклучува неуролошки елемент во кој ултра кратки формати на телевизиски видео реклами во траење од 2 до 6 секунди, беа тестирани со помош на EEG и следење на очите, а со цел препознавање на брендот и ангажирање на одредена тема.
Беа тестирани две стратегии – во една верзија, видео-рекламите беа поставени врз основа на „човечки“ увиди, каде креативниот тим ги утврди најатрактивните и најзначајни слики на подолго видео, а во другата верзија, врз основа на научни податоци, засновани на увиди од областа на неурологијата.
Најзначајните резултати добиени кога станува збор за ново видео до 2 секунди:
- 90% од гледачите го препознаваат производот (наспроти 46% по првите две секунди од оригиналната долга верзија на рекламата)
- 98% гледаат за кој бренд станува збор (наспроти 47%)
- 70% ја разбираат пораката (наспроти 25%).
Оваа студија за скратување видео пораките нуди голем број важни сознанија за брендовите и креативците:
- Потребна е идентификација на брендот во првите 2 секунди од видеото – Ако долгата видео реклама нема ознака за брендот (или производ) во првите две секунди, гледачите нема да знаат за што станува збор.
- Сознанијата од областа на неурологијата ви помага да направите вистински избор при монтажа на видео материјалот – Толкувањето на невролошките истражувања е, најблаго речено, предизвикувачки. Неуро – уредувањето на видео содржината води до највисоко препознавање на производот и препознавање на брендот, што важи и за видеата од 2 и 6 секунди. Ова е веројатно така затоа што невролошките податоци лесно го означуваат најоптималниот идентификатор на брендот.
- Брендовите може да се градат и со кратки видео реклами – Иако кратките реклами, така да се каже, пониско се рангирани според старите маркетинг критериуми, како што се оригиналност, забава и препознавање, во мозокот всушност гледаме повисоко ниво на внимание и привлечност спрема ваквите кратки содржини. Потврда за тоа е и препознавањето на брендот кај оние видео реклами кои траат 2 секунди.
„Накратко, видео материјалите во траење од две секунди не се крајно средство за пренесување на сложени пораки, но секако се ефикасен начин за привлекување внимание и останување во мислите на потрошувачите“, заклучува ван дер Стен.
IPG Mediabrands, чија локална агенција во Холандија го спроведе ова истражување, е глобална мрежа на агенции во чиј состав се агенциите за UM и Initiative ,кои работат во регионот на Југоисточна Европа, како дел од I&F Grupа.
