- Smart Monitor M9 добива AI-надградена забава и ефикасност
- Odyssey OLED G6 и Odyssey OLED G8 дебитираат со првиот 27” 4K OLED гејминг монитор и првиот OLED екран со стапка на освежување од 500Hz
- Најголемиот 16:9 4K ViewFinity се претставува со 37” за максимална продуктивност
Samsung Electronics ја претстави својата линија Smart Monitor, Odyssey Gaming Monitor и ViewFinity Monitor за 2025 година, која ќе биде изложена на First Look на Samsung на саемот CES на 5 јануари.
Моделите за 2025 година поставуваат нови стандарди за монитори, носејќи AI-функции, први величини во OLED сегментот и нови фактори кои ги разгоруваат страстите на корисниците ширум светот — без разлика дали работат, играат или креираат.
„Со новите монитори во нашите водечки линии во индустријата, на луѓето им нудиме повеќе начини да ги истражуваат содржините и врските што ги сакаат на нови начини,“ изјави Хун Чанг (Hoon Chung), извршен потпретседател на одделот за визуелни екрани во Samsung Electronics. „Благодарение на нашите нови AI-функции и опции за величини, 2025 ќе биде година во која корисниците ширум светот ќе го пронајдат вистинскиот монитор кој им одговара.“
Smart Monitor M9: Забавата и ефикасноста добиваат AI-надградба
Smart Monitor M9 (модел M90SF) воведува први AI-функции во индустријата кои ја подобруваат забавата и интерактивноста преку интелигентна адаптација на сликата и функции за пребарување.
Како прв монитор со вградена вештачка интелигенција, M9 располага со AI Picture Optimizer, кој ги анализира влезните сигнали за да го утврди типот на содржина што се гледа — како игри, видео или апликации за продуктивност — и автоматски ги прилагодува поставките на екранот за најдобро визуелно искуство[1]. За гејмерите, AI оди чекор понатаму, препознавајќи го жанрот на играта што се игра и фино ги подесува поставките за слика за оптимално и имерсивно искуство при секој стил на гејминг. [2]
M9, исто така, вклучува 4K AI Upscaling Pro, што користи напредна AI-обработка и невронски мрежи за надградба на содржина со пониска резолуција до квалитет од 4K. [3] Со анализа на влезните сигнали и постоечките податоци за сликата, оваа функција обезбедува кристално јасни визуелни ефекти со подобрени детали, без разлика на оригиналната резолуција.
Овие паметни и персонализирани функции ги подобруваат перформансите на хардверот на M9. Мониторот располага со 32” 4K OLED екран со VESA DisplayHDR™ True Black 400, кој обезбедува неверојатни детали и живописни бои. Неговиот тенок дизајн, заедно со Easy Setup Stand, им овозможува на корисниците лесно да го креираат својот идеален работен простор, додека вградената 4K камера го прави мониторот практичен за користење во секоја средина.
Серија Samsung Odyssey: Два лидери во индустријата со 27” 4K OLED гејминг монитор и OLED екран со стапка на освежување од 500Hz
Серијата на гејминг монитори Odyssey, кои се лидери во индустријата, ги зајакнува перформансите со нови величини преку моделите Odyssey OLED G8 и G6 за 2025 година.
Odyssey OLED G8 (модел G81SF) е првиот 27” 4K (3,840 x 2,160) OLED гејминг монитор во светот. Екранот има 165 PPI и стапка на освежување од 240Hz. Нивото на густина на пиксели и беспрекорноста на екранот им дава на креаторите на игри и на гејмерите ново ниво на детали и квалитет на сликата додека ги градат и истражуваат реалните светови на играта.
Од друга страна, Odyssey OLED G6 (модел G60SF) поставува нови стандарди за брзина како првиот OLED екран со стапка на освежување од 500Hz и QHD резолуција (2,560 x 1,440). Неговата молскавична брзина и исклучително беспрекорна игра ослободуваат потенцијал за гејмерите кои бараат врвни перформанси за да имаат предност во играњето и во перформансите на уредот.
И двата модела нудат време на одговор од 0.03ms (GTG) за глатка визуелизација и остра игра, дури и во брзи сценарија. Поддржуваат AMD FreeSync™ Premium Pro и се компатибилни со NVIDIA G-Sync™, што овозможува беспрекорни слики со помалку кинење и треперење. Технологијата VESA DisplayHDR™ True Black 400[4] испорачува богати темни нијанси без сјај или испуштање на боите, максимално искористувајќи го OLED екранот, додека OLED Glare Free екраните го задржуваат фокусот на играта, со намалување на рефлексиите и отсјајот што го одвлекува вниманието.
На CES ќе биде претставен и гејминг мониторот 27” Odyssey 3D (модел G90XF). Благодарение на леќата за лентикуларен приказ прицврстена на предниот дел од плочата и на предната стерео камера, Odyssey 3D нуди персонализирано 3D искуство без потреба од посебни 3D очила. Покрај тоа, со помош на AI, може да се анализира и конвертира 2D видео во 3D, додавајќи нова длабочина на содржината.
ViewFinity S8: Поголем канвас за продуктивност и креативност
37”ViewFinity S8 (модел S80UD) е најголемиот 16:9 4K монитор досега. Со екран, кој е околу 34% поголем од претходниот модел[5], ViewFinity S8 е дизајниран за максимизирање на продуктивноста, имерсијата и ефикасноста. Повеќе информации може да се видат на прв поглед со максимално користење на работната маса – воведувајќи нова ера на големи монитори со висока продуктивност.
Со sRGB опсег на бои од 99%, кој верно ги претставува боите на 4K (3,840 x 2,160) екран, ViewFinity S8 обезбедува квалитет на бои и осветленост потребни за професионалните корисници да го дадат својот максимум во работата.
2025 ViewFinity S8 има сертификат од TÜV Rheinland[6] за „Ергономски екран за работно место“, признавајќи го неговиот ергономски дизајн, кој ја зголемува работната имерсија, ефикасноста и продуктивноста. Сертифицираната од TÜV[7] Intelligent Eye Care технологија го намалува заморот на очите, дури и при подолго користење, прилагодувајќи ја температурата на бојата според осветлувањето во просторот. Режимот за заштита на очите и функцијата без треперење дополнително ги штитат очите од напрегање.
Со едноставниот Easy Setup Stand, ViewFinity S8 ја одржува продуктивноста на високо ниво преку вграден KVM прекинувач[8], претворајќи го мониторот во единствена контролна станица за мултитаскинг на повеќе уреди користејќи само една тастатура и глушец. Уредите, исто така, може да се поврзат и полнат истовремено преку USB-C конекција од 90W, овозможувајќи брзо управување со сите потребни додатоци.
За Samsung Electronics
Samsung го инспирира светот и ја обликува иднината со трансформативни идеи и технологии. Компанијата го редефинира светот на телевизорите, паметните телефони, носивите уреди, таблетите, апаратите за домаќинство, мрежните системи и меморија, LSI системите, полуспроводниците и LED решенија и обезбедува беспрекорно поврзано искуство низ својот SmartThings екосистем и отворената соработка со партнерите. Најнови вести на Samsung Newsroom: http://news.samsung.com/mk/.
***
[1] AI Picture Optimizer е достапен само кога мониторот е поврзан со компјутер.
[2] Поддршката може да варира во зависност од насловот на играта.
[3] AI Upscaling Pro работи само кога се користат вградените апликации за Smart TV и Samsung Gaming Hub (приоритетен режим PQ).
[4] Сертификацијата VESA DisplayHDR™ True Black 400 е во тек и се очекува да биде завршена пред датумот на лансирање на производот.
[5] Големината на екранот е споредена со моделот ViewFinity 32” од 2024 година.
[6] Technischer Überwachungsverein (TÜV) Rheinland е еден од водечките светски провајдери на услуги за тестирање и врши тестирање, проверка и сертификација на технички системи и производи.
[7] Technischer Überwachungsverein (TÜV) Rheinland е еден од водечките светски добавувачи на услуги за тестирање, кој тестира, прегледува и проверува и сертифицира технички системи и производи.
[8] Тастатура, видео, глувче.
