Луксузниот производител на часовници TAG Heuer се враќа на саемот „Часовници и чудесии 2025“ во Женева, прославувајќи ја својата обновена улога како Официјален мерач на времето на Формула 1 со серија новитети што ја одразуваат неговата длабоко вкоренета врска со мотоспортот.
TAG HEUER FORMULA 1 SOLARGRAPH
TAG Heuer претстави девет нови часовници во колекцијата “TAG Heuer Formula 1” кои ја канализираат енергијата на тркачките патеки. Оваа нова серија вклучува три основни модели и шест ограничени изданија, сите со рафинирано куќиште од 38 мм, смели бои инспирирани од Формула 1 и ергономски надградби за целодневна употреба.
Напојуван од Solargraph – механизам на соларен погон – прв од својот вид во колекцијата “TAG Heuer Formula 1” – секој часовник обезбедува долготрајни перформанси со нула прекини. Покрај механизмот, воведувањето на TH-Polylight означува голем скок напред во иновативниот дух на TAG Heuer. Овој лесен, ултра издржлив материјал овозможува неограничено изразување на боите и ја подобрува удобноста и естетиката на колекцијата.
Преработениот двонасочен прстен, дизајниран во препознатливиот облик на колекцијата “TAG Heuer Formula 1”, нуди подобрена функционалност и префинет механички звук при ротација, додавајќи допир на софистицирана тактилност. Без разлика дали се носат на тркачките патеки или низ градските улици, овие часовници претставуваат непоколеплив израз на смелост.
TAG HEUER CARRERA DAY-DATE & TAG HEUER CARRERA DATE TWIN-TIME
TAG Heuer го редефинира духот на „успешниот часовник“ со два смели додатоци во колекцијата „TAG Heuer Carrera“. Моделите „TAG Heuer Carrera Day-Date“ и „TAG Heuer Carrera Date Twin-Time“ имаат рафинирана геометрија на куќиштето, надградена ергономија, нараквица која лесно се менува, моќен внатрешен механизам TH31 кој овозможува 80 часа прецизност и петгодишна гаранција.
„TAG Heuer Carrera Day-Date“ се наметнува како симбол на секојдневниот триумф, достапен во пет впечатливи варијанти кои го канализираат наследството на брендот со модерна елеганција. Од друга страна, „TAG Heuer Carrera Date Twin-Time“ додава уште еден слој на оваа симболика, спојувајќи ја двојната функционалност со живописниот блескав дисплеј инспириран од златното доба на мотоспортот. Носен од легенди и сега повторно реинтерпретиран за новата генерација, „TAG Heuer Carrera“ продолжува да го слави успехот – на и надвор од тркачките патеки.
TAG HEUER MONACO SPLIT-SECONDS CHRONOGRAPH | F1®
TAG Heuer го прославува своето враќање како Официјален мерач на времето на Формула 1 со хронографот „TAG Heuer Monaco Split-Seconds | F1®“ – ултра ексклузивен часовник ограничен на само 10 парчиња. Со комплексниот двоен механизам Caliber TH81-00 кој овозможува симултан тајминг на повеќе интервали т.е. вклучува два различни механизми за стоп-мерење на времето, овој модел е совршен за потребите на мотоспортот. Лесното куќиште, изработено од бела керамика и сафирен кристал, го истакнува мајсторството на материјалите и инженерската прецизност на TAG Heuer.
Дизајнерските елементи му оддаваат почит на наследството на Формула 1, вклучувајќи го црвенкастиот проѕирен дисплеј, индикаторите со асфалтна текстура и испишаната иконична фраза на Дејвид Крофт: „LIGHTS OUT & AWAY WE GO“. Од зелено-црвениот лакиран грб на брендот, до рачно доработениот механизам видлив преку сафирниот кристал, секој детал ја слави длабоката врска на брендот со тркачките спортови.
ВРАЌАЊЕ НА НАРАКВИЦАТА „BEADS-OF-RICE“
TAG Heuer ја враќа својата иконична метална нараквица од „оризови мониста“ за колекцијата „TAG Heuer Carrera Chronograph“. Првпат претставена во 1960-те, оваа елегантна нараквица стана препознатлив белег на златното доба на брендот, и тоа благодарние на својот префинет изглед и исклучителната удобност. Реинтерпретирана за денешницата, оваа нараквица го спојува стариот шарм со модерната изработка, нудејќи подобрена артикулација, елегантно вклопување и чувство на современост.
НОВА ГЛОБАЛНА КАМПАЊА: „DESIGNED TO WIN“
TAG Heuer ја претстави новата глобална кампања „Designed to Win“ („Дизајниран за победа“), која сигнализира смела еволуција во идентитетот на брендот. Инспирирана од познатата декларација на Аиртон Сена: „Не сум дизајниран да бидам втор или трет, јас сум дизајниран да победам“, кампањата го одразува трајното верување на TAG Heuer во моќта на менталната сила, фокусот и континуираниот стремеж кон извонредноста.
Со враќањето на брендот како официјален мерач на времето на Формула 1 и генерален партнер за Гран-При трката во Монако, новата кампања ја зацврстува врската на TAG Heuer и неговата историја со смелиот натпреварувачки дух на мотоспортот. Тоа е прослава на оние кои им пркосат на границите, реафирмирајќи ја мисијата на TAG Heuer – не само да го мери времето, туку да го застапува на највисоко ниво на перформанси и амбиции.
Официјални застапници за производите на TAG Heuer во Македонија се „Божиновски часовници и накит“.
