Во четврток (26.05.2022) со почеток од 19:00 часот во хотел “Солун” во Скопје ќе се одржи ново издание на најпознатиот бизнис-нетворкин настан во државата.
Покрај вообичаените нетворкинг елементи, 38-мото издание на Бизнис Кафе Македонија ги носи и искуствата на тројца врвни професионалци во своите области кои со присутните ќе ги споделат своите бизнис и животни лекции и ќе се обидат да понудат одговори на некои од најважните прашања поврзани со скалирање на бизнисот, развој на нови бизнис идеи, комуникациски вештини, кариерен развој и планирање на сигурна иднина после завршувањето на деловната кариера.
Како гости-говорници на ова издание ќе бидат:
- Данчо Димков – сериски претприемач, основач и извршен директор на BizzBee Solutions
- Татјана Стојановска – ТВ презентерка, обучувач за јавни настапи и Мис на Македонија 1992
- Горан Мартиновски – Раководител на Секторот за управување со средства во КБ Прво Пензиско Друштво
Поради желбата сите да се чувствуваат сигурно, ова издание на Бизнис Кафе Македонија ќе биде со ограничен број на достапни места за посетители и затоа Ве покануваме поскоро да си го резервирате Вашето место со испраќање на е-маил порака на: mkbizniskafe@gmail.com
Картите се по цена од 300 денари и истите можат да се купат на фактура или директно на трансакциска сметка: 210 – 067036660110 (назив на примач: Актива Вел ДООЕЛ – Скопје, НЛБ Банка, цел на дознака: Учество на бизнис настан) со претходна потврда за резервација на место на погорната е-маил адреса.
