Во четврток (30.03.2023) со почеток од 19:00 часот во „Среќа bar&food“ во Скопје ќе се одржи новото издание на најпознатиот бизнис-нетворкинг настан во државата.
Покрај вообичаените нетворкинг елементи, присутните на 41. издание на Бизнис Кафе Македонија ќе имаат можност да ги чујат инспиративните приказни на три дами од светот на бизнисот, но и науката.
Гостинки на Бизнис Кафе овој четврток ќе бидат:
- Зорица Бужаровска Бошковска – генерален директор на KARIERA.mk
- Билјана Караманолевска – сопственичка и генерален менаџер на „Светот на Колорес“, како и добитничка на наградата за „Менаџер на годината за 2022 година“ при изборот за Жена на годината.
- Мартина Димоска – инженер, објавен истражувач и првиот македонски аналоген астронаут, како и првиот женски аналоген астронаут од Балканот и претседателка на Меѓународната вселенска алијанса.
Картите за новото издание на Бизнис Кафе се продаваат по цена од 300 денари и истите можат да се купат на фактура со испраќање на мејл порака на следнава имејл адреса: mkbizniskafe@gmail.com или директно со уплата на следнава трансакциска сметка: 210 – 067036660110 (назив на примач: Актива Вел ДООЕЛ – Скопје, НЛБ Банка, цел на дознака: Учество на бизнис настан).
